సత్యనారాయణ కాలనీలో గణేష్ ఉత్సవాల్లో కుంకుమార్చన ఘనంగా
మేడ్చల్ జిల్లా నాగారం ప్రశ్న ఆయుధం ఆగస్టు 29
సత్యనారాయణ కాలనీ అసోసియేషన్ భవనంలో గణేష్ ఉత్సవ కమిటీ ఆధ్వర్యంలో కుంకుమార్చన పూజ భక్తిశ్రద్ధలతో జరిగింది. కమిటీ సభ్యులు ఈ కార్యక్రమాన్ని అత్యంత శ్రద్ధగా నిర్వహించగా, కాలనీలోని మహిళా భక్తులు అధిక సంఖ్యలో హాజరై అమ్మవారికి పూలు, కుంకుమతో ప్రత్యేక పూజలు చేశారు.ఆధ్యాత్మిక వాతావరణంలో సాగిన ఈ వేడుకలో మహిళలు మొక్కులు చెల్లించుకుంటూ, శుభాకాంక్షలు పంచుకున్నారు. ఈ కార్యక్రమం కాలనీ వాసులలో భక్తి భావాన్ని మరింత పెంచింది.
ఈ సందర్భానికి సాయిబాబా గుడి చైర్మన్ అన్నం రాజు శ్రీనివాస్, చిట్యాల శ్రీనివాస్ రెడ్డి, జనార్దన్ రెడ్డి, రెడ్యానాయక్‌తో పాటు అసోసియేషన్ సభ్యులు, కాలనీ పెద్దలు, భక్తులు పెద్ద ఎత్తున పాల్గొన్నారు.
