చాకలి ఐలమ్మ జయంతి వేడుకలు ఘనంగా

చాకలి ఐలమ్మ జయంతి వేడుకలు ఘనంగా

రైతాంగ పోరాటానికి ప్రతీక — కలెక్టర్ ఆశిష్ సాంగ్వాన్

కామారెడ్డి జిల్లా ప్రతినిధి 

(ప్రశ్న ఆయుధం) సెప్టెంబర్ 26

వీరనారి చాకలి ఐలమ్మ జయంతి వేడుకలు శుక్రవారం కామారెడ్డి పట్టణంలో బీసీ సంక్షేమ శాఖ ఆధ్వర్యంలో ఘనంగా జరిగాయి. ఆర్ అండ్ బి కార్యాలయం ఎదురుగా ఉన్న విగ్రహానికి జిల్లా కలెక్టర్ ఆశిష్ సాంగ్వాన్ పూలమాల వేసి నివాళులర్పించారు.ఈ సందర్భంగా కలెక్టర్ మాట్లాడుతూ “చాకలి ఐలమ్మ తెలంగాణ రైతాంగ పోరాటానికి ప్రతీక. ఆమె ధైర్యం, త్యాగం తరతరాలకు స్ఫూర్తిదాయకం. బహుజన సమాజానికి పోరాటస్ఫూర్తి నింపిన మహనీయురాలు” అని పేర్కొన్నారు.

కార్యక్రమంలో అదనపు కలెక్టర్ (రెవెన్యూ) విక్టర్, అదనపు కలెక్టర్ (లోకల్ బాడీస్) చందర్లు, బీసీ అభివృద్ధి అధికారి జయరాజ్, సహాయ అధికారి చక్రధర్, బహుజన సంఘాల నాయకులు కొత్తపల్లి మల్లయ్య, రాజయ్య, శ్రీకాంత్, స్వామి, పవన్, అశ్వక్, నరేష్, TNGOs జిల్లా అధ్యక్షుడు వెంకటరెడ్డి, కార్యదర్శి నాగరాజు, బీసీ సంఘం నాయకులు శివరాములు, శంకర్, రజక సంఘం నాయకులు, జిల్లా అధికారులు, పలువురు ప్రభుత్వ ఉద్యోగులు పాల్గొన్నారు.