నా స్వార్థం ఉంటే చెప్పుతో కొట్టండి :ఎమ్మెల్యే పోచారం

నా స్వార్థం ఉంటే చెప్పుతో కొట్టండి :ఎమ్మెల్యే పోచారం

విలేకరుల సమావేశంలో ఘాటుగా వ్యాఖ్యలు చేసిన ఎమ్మెల్యే పోచారం..

ప్రశ్న ఆయుధం 23 అక్టోబర్ ( బాన్సువాడ ప్రతినిధి )

బాన్సువాడ పట్టణంలోని ఎమ్మెల్యే పోచారం నివాసంలో విలేకరుల సమావేశం ఏర్పాటు చేశారు.నాపై కొందరు గిట్టని వారు పోచారం రాజకీయ లబ్ధి కోసం పార్టీ మారారంటూ చేస్తున్న ఆరోపణలపై ఖండించారు. ఈ సందర్బంగా పోచారం మాట్లాడుతూ…నేను బాన్సువాడ నియోజకవర్గం అభివృద్ధి కొరకు పార్టీ మారాను తప్ప రాజకీయ లబ్ధి కోసం పార్టీ మారలేదని ఘాటుగా వ్యాఖ్యలు చేశారు. బిఆర్ఎస్ పార్టీ నుండి ఎమ్మెల్యే గా గెలిచింది వాస్తవమే అనీ పోచారం అన్నారు.స్పీకర్ ఏ నిర్ణయం తీసుకున్న దానికి కట్టుబడి ఉంటానని పోచారం శ్రీనివాస్ రెడ్డి అన్నారు. ఒకవేళ నా స్వార్థం కోసం పార్టీ మారినట్లయితే చెప్పుతో కొట్టాలని ఘాటుగా వ్యాఖ్యలు చేశారు. దీంతో బాన్సువాడ సెగ్మెంట్ లో ఈ విషయమై హాట్ టాపిక్ గా మారిందని స్థానికులు అంటున్నారు.ఈ కార్యక్రమంలో రాష్ట్ర ఆగ్రో ఇండస్ట్రీస్ చైర్మన్ కాసుల బాలరాజు,కాంగ్రెస్ సీనియర్ నాయకులు కృష్ణా రెడ్డి,ఏజాజ్,మోహన్ నాయక్,మాజీ మున్సిపల్ చైర్మన్ జంగం గంగాధర్,నాయకులు కార్యకర్తలు తదితరులు పాల్గొన్నారు.