బాసర ట్రిపుల్ ఐటి విద్యార్థిని ఉరివేసుకొని ఆత్మహత్య

అదిలాబాద్ జిల్లా (ప్రశ్న ఆయుధం)
బాసర నవంబర్ 11:

నిర్మల్ జిల్లా బాసర ట్రిపుల్ ఐటీలో ఈ సంఘటన చోటుచేసుకుంది, పియుసి-2 చదువుతున్న స్వాతి ప్రియ (17) అనే విద్యార్థిని సోమవారం ఉదయం హస్టల్ గదిలోని ఫ్యాన్ కి ఉరివేసుకుని ఆత్మహత్యకు పాల్పడింది. తోటి విద్యార్థినులు బ్రేక్ ఫాస్ట్ కోసం వెళ్లిన సమయంలో ఈ విషాదం చోటుచేసుకుందాని సమాచారం.

నిజామాబాద్ జిల్లా ఆర్మూర్ మున్సిపాలిటీ పరిధిలోని పెర్కిట్ గ్రామానికి చెందిన విద్యార్థినిగా అధికారులు గుర్తించారు. తన వ్యక్తిగత కారణాలు వల్ల తను ఆత్మహత్యకు పాల్పడింది అని అనుమానాలు వ్యక్తమవుతున్నాయి.

బాసర పోలీసులు సంఘటన స్థలాన్ని పరిశీలించి కేసు నమోదు చేసి విచారణ కొనసాగిస్తున్నారు. ఈ సంఘటన విద్యార్థుల మధ్య ఆత్మహత్యలకు సంబంధించి ఎక్కువ చర్చలను ప్రేరేపిస్తోంది, ప్రభుత్వం, విద్యా సంస్థలు ఈ తరహా ఘటనలను నివారించేందుకు మరింత చర్యలు తీసుకోవాలని స్థానికూలు కోరుకుంటున్నారు.