*అంగరంగ వైభవంగా పోచారంలో పోచమ్మ, ఎల్లమ్మ ఆలయ ప్రతిష్ఠాపన*
మేడ్చల్ జిల్లా పోచారం ప్రశ్న ఆయుధం ఏప్రిల్ 20
హరీష్ రావు మరియు మల్లారెడ్డి ఘట్కేసర్ నుండి భారీ సంఖ్యలో వాహనాలతో కూడిన కన్వాయ్‌లో పోచారం చేరుకున్నారు. ఆలయ కమిటీ సభ్యులు మరియు స్థానిక ముఖ్య నాయకులు వారికి సాదరంగా స్వాగతం పలికారు. అనంతరం, వారు ఆలయంలో ప్రత్యేక పూజలు నిర్వహించి అమ్మవార్ల విగ్రహాలకు అభిషేకం చేశారు. పూజా కార్యక్రమాల అనంతరం, ఇరువురు నేతలు భక్తులకు తీర్థ ప్రసాదాలు పంపిణీ చేశారు.
ఈ ఆధ్యాత్మిక కార్యక్రమంలో ఉమ్మడి ఘట్కేసర్ మండలం నుండి బీఆర్ఎస్ పార్టీకి చెందిన పలువురు ముఖ్య నాయకులు, కార్యకర్తలు మరియు పోచారం పరిసర ప్రాంతాల నుండి పెద్ద సంఖ్యలో భక్తులు పాల్గొన్నారు. నూతన ఆలయ ప్రారంభోత్సవంతో పోచారం పట్టణంలో ఆధ్యాత్మిక శోభ వెల్లివిరిసింది. ఈ సందర్భంగా భక్తులు అమ్మవార్లను దర్శించుకుని ప్రత్యేక మొక్కులు చెల్లించుకున్నారు.
