*వీలైతే నాలుగు మాటలు…. కుదిరితే కప్పు కాఫీ…!*
– *విజయదశమి వేళ నాయకుల ఇళ్లకు మంత్రి పొంగులేటి*
– *వారి కుటుంబ సభ్యులకు ఆప్యాయ పలకరింపు….*
– *శీనన్న రాకతో నాయకుల ఇళ్లల్లో అవధుల్లేని ఆనందం*
*ఖమ్మం :* వీలైతే నాలుగు మాటలు…. కుదిరితే కప్పు కాఫీ అంటూ విజయదశమి పర్వదినం వేళ సరదాగా పలకరించేందుకు తెలంగాణ రెవెన్యూ, గృహ నిర్మాణం సమాచార శాఖల మంత్రి పొంగులేటి శ్రీనివాసరెడ్డి ఉమ్మడి ఖమ్మం జిల్లాలోని పలువురు నాయకుల ఇళ్లకు ఆత్మీయ అతిథిగా వెళ్ళారు. కులాసా కబుర్లు చెబుతూ ఆయా నాయకుల ఇళ్ళ వద్ద కాసేపు కాలక్షేపం చేశారు. పండుగ వేళ అనుకోని అతిథిగా శీనన్న రావడంతో నాయకులతో పాటు వారి కుటుంబ సభ్యుల ఆనందాలకు అవధులు లేవు. వారి కుటుంబ సభ్యుల్లోని ప్రతి ఒక్కరినీ పలరిస్తూ మంత్రి పొంగులేటి వారికి దసరా శుభాకాంక్షలు తెలిపారు. అశ్వారావుపేటలో కాంగ్రెస్ నాయకుడు జూపల్లి రమేష్ …. సీనియర్ కాంగ్రెస్ నాయకుడు ఆలపాటి రాము…. వైరా లో కాంగ్రెస్ పార్టీ రాష్ట్ర నాయకులు బొర్రా రాజశేఖర్ …. ఖమ్మం రూరల్ మండలంలో సీనియర్ కాంగ్రెస్ నాయకుడు ధరావత్ రామ్మూర్తి నాయక్…. కూసుమంచి మండలంలో దండ్యాల లక్ష్మణ రావు ఇంటికి వెళ్లి వారి ఆతిథ్యాన్ని స్వీకరించారు.
