ఘనంగా పూర్వ విద్యార్థుల ఆత్మీయ సమ్మేళనం
–జవహర్ నవోదయ విద్యాలయ పూర్వ విద్యార్థుల సిల్వర్ జూబ్లీ వేడుకలు
ప్రశ్న ఆయుధం, డిసెంబర్ 22, కామారెడ్డి :
కామారెడ్డి జిల్లా నిజాంసాగర్ మండలంలోని జవహర్ నవోదయ విద్యాలయంలో పూర్వ విద్యార్థుల1986 నుండి 2024 వరకు 32 బ్యాచుల నుండి ఆత్మీయ సమ్మేళనం ఎంతో వైభవంగా నిర్వహించుకున్నారు. ఎన్నో సంవత్సరాల తర్వాత ఒకచోట కలుసుకొని వారి పాత జ్ఞాపకాలు, మధురను స్మృతులను నెమరు వేసుకుంటూ సోమవారం పూర్వ విద్యార్థులందరూ ప్రస్తుత జీవిత స్థితిగతులను ఒకరినొకరు తెలుసుకుంటూ ఆత్మీయంగా ఆనందంతో గడిపారు. పూర్వ విద్యార్థులు చదువుకున్న విద్యాలయలో పని చేసి గత నెలలో పదవి విరమణ పొందిన ప్రిన్సిపాల్ సత్యవతి, గతంలో విద్యాలయంలో హిస్టరీ లెక్చరర్ గా విధులు నిర్వహించిన బాలాజీ ముఖ్య అతిథులుగా పాల్గొన్నారు. ఈ సంవత్సరం కార్యక్రమాన్ని 8 వ బ్యాచ్ కి చెందిన విద్యార్థులు నిర్వహించారు. ఈ సంవత్సరం పూర్వ విద్యార్థులు తాము చదువుకున్న పాఠశాలకు ఏదైనా చేయాలి అనే ఆలోచనతో, విద్యాలయంలో 3 లక్షల వ్యయంతో సోషల్ పార్క్ ను ఏర్పాటు చేశారు. ఈ పార్క్ లో జాతీయ చిహ్నం పలువురు జాతీయ నాయకుల విగ్రహాలను ఏర్పాటు చేసి, చుట్టూ పార్క్ ఏర్పాటు చేశారు. విద్యార్థుల యొక్క సౌకర్యార్థం 3 లక్షల రూపాయలతో, రెండు హాట్ వాటర్ గీజర్ లను ఏర్పాటు చేశారు. ఈ సంవత్సరం కార్యక్రమంలో 32 బ్యాచ్‌ల నుండి సుమారు 600 విద్యార్థులు హాజరయ్యారు. పూర్వ విద్యార్థుల నృత్యాలతో ఎంతో ఉషారుగా ఉత్సాహంగా రోజంతా గడిపారు. ఈ కార్యక్రమంలో వైస్ ప్రిన్సిపల్ మను యోహనన్ అధ్యక్షులు ఎర్రోళ్ల వినయ్ కుమార్, ప్రధాన కార్యదర్శి అనిల్ కుమార్, కోశాధికారి రేణుకా కుమారి, ఉపాధ్యక్షులు బాశెట్టి నాగవేందర్, కార్యక్రమ నిర్వాహకులు డాక్టర్ విజయరాజ్, నవీన్ కుమార్, రాజబాబు, విక్రమ్, నరహరి చంద్రకాంత్, ప్రవీణ్, నరేష్ కుమార్, అమరేందర్ గంగమోహన్, శోభ, రేఖ, సరిత, అనిత తదితరులు పాల్గొన్నారు.
