నూతన పద్మశాలి సంఘానికి ఘన సన్మానం – రామకోటి సంస్థ ఆతిథ్యం
యువతే మార్గదర్శక శక్తి – రామకోటి రామరాజు
● అభివృద్ధి దిశగా సంఘం అడుగులు వేయాలి
● సేవారత్న రామకోటి రామరాజు చేతులమీదుగా సన్మానం
● “యువత సంకల్పిస్తే అసాధ్యం ఏదీ లేదు” – రామకోటి
● “ప్రజల నమ్మకాన్ని నిలబెట్టుకుంటాను” – దేవదాసు
● “మనకు సన్మానం చేసిన రామకోటికి ఎల్లప్పుడూ రుణపడి ఉంటాం” – సభ్యులు
గజ్వేల్, అక్టోబర్‌ 24 (ప్రశ్న ఆయుధం):
సిద్దిపేట జిల్లా గజ్వేల్ పట్టణంలో నూతనంగా ఎన్నికైన పద్మశాలి సంఘం సభ్యులకు శ్రీరామకోటి భక్త సమాజం ధార్మిక సేవా సంస్థ ఘన సన్మానం చేసింది. శుక్రవారం నాడు పుట్టపర్తి సత్యసాయి బాబా మందిరంలో జరిగిన కార్యక్రమంలో సంస్థ వ్యవస్థాపకుడు, అధ్యక్షుడు, భక్తిరత్న, కళారత్న, సేవారత్న అవార్డు గ్రహీత రామకోటి రామరాజు స్వయంగా అభినందనలు తెలియజేశారు. ఈ సందర్భంగా నూతన పద్మశాలి సంఘం ప్రతినిధులకు సీతారాముల చిత్ర పఠాలను అందజేశారు.
ఈ సందర్భంగా మాట్లాడుతూ రామకోటి రామరాజు అన్నారు – “యువత తలచుకుంటే సాధించలేనిది ఏదీ లేదు. ఈ ఎన్నికలు యువతలో ఉన్న స్ఫూర్తిని ప్రతిబింబించాయి. కృషి, పట్టుదల, సేవా భావం ఉంటే విజయం మనదే. పద్మశాలి సంఘం ప్రజల అభివృద్ధికి దారితీసే స్ఫూర్తిదాయక వేదికగా నిలవాలి” అని ఆకాంక్షించారు.
పద్మశాలి సంఘం కొత్త అధ్యక్షుడు బోలిబత్తుల దేవదాసు మాట్లాడుతూ, “నా మీద విశ్వాసం ఉంచి గెలిపించిన ప్రతి సభ్యుడికి నా హృదయపూర్వక ధన్యవాదాలు. అందరికీ అందుబాటులో ఉంటూ, అభివృద్ధి మార్గంలో ముందుకు తీసుకెళ్తాను” అన్నారు. “మాకు ఇంతటి ఘన సన్మానం చేసిన రామకోటి రామరాజు కి ఎల్లప్పుడూ రుణపడి ఉంటాం” అని సభ్యులు హర్షం వ్యక్తం చేశారు.
ఈ కార్యక్రమంలో ఉపాధ్యక్షులు కోట కిషోర్‌, ప్రధాన కార్యదర్శి గాడిపల్లి ఎల్లంరాజు, కోశాధికారి దేవసాని హనుమాన్ దాస్, సహాయ కార్యదర్శి పాశికంటి శీను, రాష్ట్ర ఉపాధ్యక్షులు ఆడెపు బాలచంద్రం, రాష్ట్ర సహాయ కార్యదర్శి స్వర్గం రాజేశం, యువజన రాష్ట్ర ఉపాధ్యక్షులు తలకోక్కుల రాజేశం, యువజన సహాయ కార్యదర్శి కుడిక్యాల రమేష్ పాల్గొన్నారు.
అలాగే జిల్లా యువజన అధ్యక్షులు గాడిపల్లి అనూప్‌, ప్రచార కార్యదర్శి గాడిపల్లి బలరాం, గజ్వేల్ యువజన సంఘం అధ్యక్షులు తలకోక్కుల ప్రేమ్ కుమార్‌, మార్కండేయ దేవాలయ అధ్యక్షుడు గడ్డమీది ఆంజనేయులు, ప్రధాన కార్యదర్శి హనుమాండ్ల నాగరాజు, యువజన ఉపాధ్యక్షులు సబ్బని చంద్రమౌళి, సహాయ కార్యదర్శి దేవసాని వాసుదేవ్‌ తదితరులు పాల్గొన్నారు.
అంతిమంగా భక్తి, సేవ, సాంఘిక అభివృద్ధి అనే మూడు మూల్యాలపై నడవాలని రామకోటి రామరాజు పిలుపునిచ్చారు. “పద్మశాలి సంఘం సమైక్యంగా, సేవాభావంతో ముందుకు సాగితే సామాజిక మార్పు సాధ్యమవుతుంది” అన్నారు.