టేకిరియాల్ గ్రామంలో ఈరోజు సాయంత్రం విషాదకర సంఘటన చోటుచేసుకుంది. 15 ఏళ్ల బాలుడు రాములు సరదాగా టేకిరియాల్ చెరువులో ఈతకు వెళ్లి, నీటి లోతు ఎక్కువగా ఉండటం, ఈత రాకపోవడంతో మునిగిపోయి మృతి చెందాడు.
వివరాల్లోకి వెళితే, ఎర్రోళ్ల రాకేష్ కుమారుడైన రాములు, స్నేహితులతో కలిసి చెరువులో ఈతకు వెళ్ళాడు. అకస్మాత్తుగా నీటి లోతు పెరగడంతో బాలుడు అందులో మునిగిపోయాడు.
వెంటనే అప్రమత్తమైన స్థానికులు, కుటుంబ సభ్యులు బాలుడిని బయటకు తీసేందుకు ప్రయత్నించారు. తీవ్రంగా అస్వస్థతకు గురైన బాలుడిని ఆసుపత్రికి తరలించగా, చికిత్స పొందుతూ మృతి చెందినట్లు సమాచారం.
ఈ ఘటనపై బాలుడి కుటుంబ సభ్యులు పోలీసులకు ఫిర్యాదు చేశారు. వారి ఫిర్యాదు మేరకు, పోలీసులు కేసు నమోదు చేసుకుని దర్యాప్తు ప్రారంభించారు. ఈ సంఘటన గ్రామంలో తీవ్ర విషాదాన్ని నింపింది.
