ప్రపంచ క్యాన్సర్ దినోత్సవం సందర్భంగా ఐఎంఏ కామారెడ్డి ఆధ్వర్యంలో అవగాహన
ప్రశ్న ఆయుధం – కామారెడ్డి
ప్రపంచ క్యాన్సర్ దినోత్సవం సందర్భంగా కామారెడ్డి ప్రభుత్వ డిగ్రీ కళాశాలలో ఉదయం 11:30 గంటలకు ఐఎంఏ కామారెడ్డి ఆధ్వర్యంలో మంగళవారం అవగాహన కార్యక్రమాన్ని నిర్వహించారు. ఈ కార్యక్రమా సికింద్రాబాద్‌లోని కిమ్స్‌ హాస్పిటల్‌కు చెందిన స్నేహ సాగర్ మెడికల్ ఆంకాలజిస్ట్‌ను ఈ కార్యక్రమానికి ముఖ్య అతిథిగా ఆహ్వానించారు.
ప్రపంచ క్యాన్సర్ దినోత్సవం 2025 యొక్క థీమ్ ప్రత్యేకమైనది. ముఖ్య అతిథి డా.స్నేహ సాగర్ మాట్లాడుతూ ఈ క్యాన్సర్ వ్యాధిని ముందస్తుగా గుర్తించడం వల్ల మరణాలను తగ్గించవచ్చు అన్నారు.
స్త్రీలలో 45 సంవత్సరాల తర్వాత ప్రతి సంవత్సరం మమోగ్రామ్, 21 సంవత్సరాల తర్వాత ప్రతి 3 సంవత్సరాలకు పీఏపీ స్మెర్ క్యాన్సర్‌ను ముందస్తుగా గుర్తించడంలో సహాయపడుతుందన్నారు. రొమ్ముల్లో ఏదైనా గడ్డ కనిపిస్తే వెంటనే వైద్యులను సంప్రదించాలని యువతులకు సూచించారు. ఇండియన్ మెడికల్ అసోసియేషన్ కామారెడ్డి జిల్లా అధ్యక్షురాలు డాక్టర్ రాధా రమణ మాట్లాడుతూ ధూమపానం మద్యపానం మాదకద్రవ్యాల వల్ల కలిగే దుష్ప్రభావాల గురించి విద్యార్థులకు అవగాహన కల్పించారు. కాబట్టి వాటికి దూరంగా ఉండటం మంచిదన్నారు. ఐఎంఏ కామారెడ్డి జిల్లా ప్రధాన కార్యదర్శి డాక్టర్ అరవింద్, డాక్టర్, కృపా లు మాట్లాడుతూ వ్యక్తి ఆరోగ్యంగా ఉండాలంటే మంచి ఆహారం, వ్యాయామం చేస్తూ కల్తీ వస్తువులు వాడకుండా మంచి అలవాట్లు ఉంటే రోగ నిరోధక శక్తితో పాటు మీకు మంచి ఆరోగ్యం లభిస్తుందన్నారు.
తద్వారా మీరు మంచి రోగనిరోధక శక్తిని కలిగి ఉంటే మీరు క్యాన్సర్ బారిన పడకుండా ఉండవచ్చు అన్నారు. సీనియర్ డాక్టర్, ఐ ఎం ఎ సభ్యులు పుట్ట మల్లికార్జున్ మాట్లాడుతూ ఆరోగ్యం అంటే శారీరకంగానే కాదు మానసికంగా, సామాజికంగా, ఆధ్యాత్మికంగా ఉండటమే అన్నారు. డిగ్రీ కాలేజీలో పాత విద్యార్థి కావడంతో ఆయనకు పెద్ద ఎత్తున చప్పట్లు కొడుతూ అభినందనలు తెలిపారు.
ప్రిన్సిపాల్ విజయ్ కుమార్ మాట్లాడుతూ ఇంటి ఆహారం యొక్క ప్రాముఖ్యత గురించి నొక్కిచెప్పారు. మద్యం బాటిళ్లపై ముందస్తు జాగ్రత్తలు తీసుకోవాలని, అది ఆరోగ్యానికి ప్రమాదకరమని సూచిస్తున్నారని దాన్ని చూసి అందరూ జాగ్రత్తగా ఉండాలన్నారు.
ప్రభుత్వ డిగ్రీ కళాశాలలో అవగాహన కల్పించేందుకు అవకాశం కల్పించిన ప్రిన్సిపాల్ విజయ్, శ్రీవల్లి మహిళా సాధికారత సెల్ ఇంచార్జి శ్రీవల్లికి ధన్యవాదాలు తెలిపారు.
