*నాగారం మున్సిపల్ కమిషనర్ భాస్కర్ రెడ్డికి పదోన్నతి*
మేడ్చల్ జిల్లా నాగారం ప్రశ్న ఆయుధం ఏప్రిల్ 20
నాగారం మున్సిపల్ కమిషనర్ ఎస్.భాస్కర్ రెడ్డి ఉన్నత స్థానానికి చేరుకున్నారు. రాష్ట్ర ప్రభుత్వం ఆయనకు మున్సిపల్ కమిషనర్ గ్రేడ్-3 నుండి గ్రేడ్-2 కు పదోన్నతి కల్పిస్తూ అధికారిక ఉత్తర్వులు జారీ చేసింది. ఈ పదోన్నతి పట్ల మున్సిపల్ కార్యాలయ సిబ్బంది హర్షం వ్యక్తం చేశారు.
ఈ సందర్భంగా మున్సిపల్ సిబ్బంది కమిషనర్ భాస్కర్ రెడ్డిని ఘనంగా సన్మానించారు. వారు పుష్పగుచ్ఛాలు అందజేసి, శాలువ కప్పి తమ అభినందనలు తెలియజేశారు. ఈ సందర్భంగా సిబ్బంది మాట్లాడుతూ, భాస్కర్ రెడ్డి తమ విధులను మరింత నిబద్ధతతో నిర్వహిస్తూ, మున్సిపాలిటీ అభివృద్ధికి కృషి చేస్తారని ఆశాభావం వ్యక్తం చేశారు. భాస్కర్ రెడ్డి పదోన్నతి పొందడం పట్ల మున్సిపల్ పరిధిలో పలువురు హర్షం వ్యక్తం చేస్తున్నారు.
