మెడ్చల్–మల్కాజిగిరి జిల్లా టీఎన్జీఓస్ ఆధ్వర్యంలో బోనాల పండుగ అట్టహాసం
మేడ్చల్ మల్కాజ్గిరి జిల్లా ప్రశ్న ఆయుధం ఆగస్టు 21
మెడ్చల్–మల్కాజిగిరి జిల్లా తెలంగాణా నాన్ గజిటెడ్ ఆఫీసర్స్ యూనియన్ (టీఎన్జీఓస్) జిల్లా అధ్యక్షులు రవి ప్రకాశ్ ఆధ్వర్యంలో బోనాల పండుగ అట్టహాసంగా నిర్వహించబడింది. ఈ వేడుకలు అంతయ్యపల్లి లోని ఇంటిగ్రేటెడ్ డిస్ట్రిక్ట్ ఆఫీసెస్ కాంప్లెక్స్‌ లో భక్తిశ్రద్ధలతో జరిగాయి.
పొతరాజుల ఊరేగింపులు, డప్పుల దరువులు, కళాకారుల విన్యాసాలతో పండుగ వాతావరణం మరింత రసవత్తరంగా మారింది. జిల్లా వ్యాప్తంగా ఉన్న ఉద్యోగులు కలసికట్టుగా పాల్గొని బోనాల పండుగకు ప్రత్యేక శోభను చేకూర్చారు.ఈ సందర్భంగా టీఎన్జీఓస్ రాష్ట్ర అధ్యక్షులు, టీజాక్ చైర్మన్ మారాం జగదీశ్వర్ స్వయంగా బోనం ఎత్తి అమ్మవారికి సమర్పించారు. రాష్ట్ర మరియు జిల్లా స్థాయి నాయకులు పెద్ద సంఖ్యలో హాజరై ఉద్యోగ సంఘాల ఐక్యతను ప్రదర్శించారు. తెలంగాణ సంప్రదాయాలను ప్రతిబింబించే ఈ బోనాల పండుగ ఉద్యోగుల ఐక్యతకు ప్రతీకగా నిలిచింది.
కార్యక్రమంలో టీఎన్జీఓస్ కేంద్రసంఘం అసోసియేట్ అధ్యక్షులు కస్తూరి వెంకటేశ్వర్లూ, కేంద్రసంఘం కోశాధికారి ఎం. సత్యనారాయణ గౌడ్, సీనియర్ నాయకులు లక్ష్మణ్, జిల్లా కార్యదర్శి భరత్ కుమార్, అసోసియేట్ అధ్యక్షులు స్యామ్యూల్ పాల్, కోశాధికారి శేష సాయి గిరికాంత్, వైస్ ప్రెసిడెంట్ రవి చంద్రన్, జాయింట్ సెక్రటరీలు నాగరాజ్, అశ్విని, ఆఫీస్ సెక్రటరీ ఎం. రూప, ఆర్గనైజింగ్ సెక్రటరీ చి. సుధీర్ కుమార్, ప్రచార కార్యదర్శి వి. కోండల్ రావు, ఎగ్జిక్యూటివ్ సభ్యులు ఎన్. వినయ్ కాంత్, ఎం.డి. సజీద్ ఆర్టారి తదితరులు పాల్గొన్నారు.కుత్బుల్లాపూర్, మల్కాజిగిరి, మెడ్చల్, శామీర్‌పేట్, కలెక్టర్‌ఆఫీస్, వెటర్నరీ ఫారం, హాస్టల్ వెల్ఫేర్ ఫోరం, పంచాయతీ కార్యదర్శులు, సర్వే అండ్ ల్యాండ్స్ రికార్డ్, చీఫ్ ప్లానింగ్ ఆఫీస్, క్లాస్-IV వంటి విభాగాల నుంచి అధ్యక్షులు, కార్యదర్శులు, నజీమా, కార్తీక్, లింగాల అక్షయ్, ఉమా కాంత్, శ్రీనివాస్, అరుణ, సత్యజ్యోతి, భాస్కర్, మాణిక్యం తదితరులు పెద్ద సంఖ్యలో హాజరయ్యారు.
