బీసీ మంత్రం జపిస్తున్న బిఆర్ఎస్.. కాంగ్రెస్ ను ఇరకాటంలో పెట్టేందుకు పెద్ద స్కెచ్చే వేసింది..!!
ఎపార్టీకైనా.. బీసీలే బ్యాక్ బోన్ లాంటివాళ్లు..వాళ్లు ఎవరికి మద్దతిస్తే.. వారికే విన్నింగ్ ఛాన్సెస్ ఎక్కువగా ఉంటాయి.. ఇవి రాజకీయ పార్టీలు వేసే లెక్కలు..ఈ క్రమంలోనే గత తెలంగాణా ఎన్నికల్లో కాంగ్రెస్ పార్టీకి వారు బాసటగా నిలిచారు.. దీంతో మెజార్టీ స్థానాల్లో విజయం సాధించి.. ప్రభుత్వాన్ని ఏర్పాటు చేసింది కాంగ్రెస్.. లేట్ గా మేల్కొన్న బిఆర్ఎస్.. పోగొట్టుకున్న చోట వెతుక్కునే ప్లాన్ లో ఉంది..గత ఎన్నికల్లో బీసీలను లైట్ తీసుకోవడం వల్లే అధికారం కోల్పోయామనే భావనలో గులాబీ బాస్ కేసీఆర్ ఉన్నారట..అధికారం కోల్పోవడానికి.. లోకసభ ఎన్నికల్లో ఓటుసీటు కూడా రాకపోవడానికి బీసీలను గుర్తించకపోవడమనే అని గులాబీ పార్టీ నేతలు చర్చించుకుంటున్నారు.. దీంతో దూరమైన వారిని దగ్గరకు తీసుకునేందుకు స్కెచ్ రెఢీ చేస్తోంది.. స్థానిక సంస్థల ఎన్నికల్లోపు వారిని తమ వైపు తిప్పుకోవాలని బిఆర్ఎస్ నాయకత్వం భావిస్తోందట..ఆ పార్టీలో ఉన్న బీసీ నేతలను యాక్టివ్ చెయ్యడంతో పాటు.. రాష్టంలో జరుగుతున్న కొన్ని పరిణామాలను తమకు అనుకూలంగా మార్చుకునేందుకు బిఆర్ఎస్ సిద్దమవుతోందని టాక్ వినిపిస్తోంది..బీసీ డిక్లెరేషన్ తో కాంగ్రెస్ పార్టీ అధికారంలోకి వచ్చింది.. దీంతో వెంటనే దాన్ని అమలు చెయ్యాలని బిఆర్ఎస్ గట్టిగా డిమాండ్ చేస్తోంది.. బీసీ కులగణన జరిగితేనే స్థానిక సంస్తల ఎన్నికల్లో అన్ని సామాజికవర్గాలకు న్యాయం జరుగుతుందని.. ప్రచారం చేస్తోంది.. ఈ రకంగా కాంగ్రెస్ పార్టీ మీద ఒత్తిడి తీసుకురావచ్చని గులాబీ నేతల ఆలోచనగా ఉంది.. దీంతో బీసీ సమస్యలపై పైట్ చేసేందుకు ఆ పార్టీ సిద్దమవుతోంది.. 42 శాతం రిజర్వేషన్ల కల్పన, బీసీ సబ్ ప్లాన్ హామీ అమలు పై కాంగ్రెస్ ను ఇరకాటంలో పెట్టేందుకు ప్రణాళికలు రచిస్తోందట.. బీసీ అంశంతోనే గ్రామ స్తాయిలోకి వెళ్లాలని.. దాన్ని అనుకూలంగా మార్చుకోవాలని స్కెచ్ వేస్తోందని పార్టీ నేతలు చర్చించుకుంటున్నారు..బీసీ రిజర్వేషన్ల అంశంపై పోరుబాట పట్టాలని నిర్ణయానికి బీఆర్ఎస్ వచ్చింది.. ఇప్పటికే రైతుల రుణమాఫి జరగలేదంటూ బీఆర్ఎస్ చేసిన పోరాటంతో చాలా మందిరైతులు బీఆర్ఎస్ కు కనెక్ట్ అయ్యారు.. ఇదే కోవలో బీసీ రిజర్వేషన్ ను నెత్తిన పెట్టుకుని పోరాటం చేస్తే..వారు కూడా తమ వైపు అడుగులు వేస్తారని గులాబీ బాస్ కేసీఆర్ భావిస్తున్నారట.. లోకల్ బాడీ ఎన్నికల్లోపు రిజర్వేషన్ హమీని అమలు చెయ్యకపోతే.. మెజార్టీ స్థానాలు తమ ఖాతాలో పడతాయని గులాబీ పార్టీ అంచనా వేస్తోంది.. దీన్ని కాంగ్రెస్ ఎలా ఎదుర్కుంటుందో చూడాలి..
