మేడ్చల్ జిల్లా రాంపల్లిలో ఆదివారం శ్రీ మహాంకాళి జేసీబీ మరియు ట్రాక్టర్ అసోసియేషన్ నిర్వహించిన సమావేశంలో, పెరుగుతున్న నిర్వహణ ఖర్చులు మరియు డీజిల్ ధరల నేపథ్యంలో జేసీబీలు, ట్రాక్టర్ల అద్దె ధరలను పెంచాలని ఏకగ్రీవంగా నిర్ణయించారు.
అసోసియేషన్ నాయకులు మాట్లాడుతూ, సమావేశంలో నిర్ణయించిన కొత్త అద్దె ధరలను తప్పనిసరిగా పాటించాలని, అతిక్రమించిన వారిపై క్రమశిక్షణ చర్యలు, భారీ జరిమానాలు ఉంటాయని హెచ్చరించారు. ఈ నిర్ణయం యజమానుల సంక్షేమాన్ని దృష్టిలో ఉంచుకుని తీసుకున్నట్లు తెలిపారు.
ఈ సమావేశానికి మేడ్చల్ జిల్లాలోని ఘట్కేసర్, కీసర మండలాలతో పాటు అన్నోజిగూడ, నాగారం, చీర్యాల, నర్రెపల్లి (నలుముల) ప్రాంతాల నుండి జేసీబీ, ట్రాక్టర్ యజమానులు, ప్రతినిధులు భారీగా హాజరై మద్దతు తెలిపారు.
అసోసియేషన్ బలోపేతానికి అందరూ ఐక్యంగా, సమన్వయంతో పనిచేయాలని ఈ సందర్భంగా పిలుపునిచ్చారు. ఈ నిర్ణయం తక్షణమే అమలులోకి వస్తుందని భావిస్తున్నారు.
