అల్వాల్‌లో వేయి పడకల టీమ్స్ ఆసుపత్రి నిర్మాణాన్ని పరిశీలించిన కలెక్టర్ మను చౌదరి
మేడ్చల్ మల్కాజ్గిరి జిల్లా, ప్రశ్న ఆయుధం ఆగస్టు 7
అల్వాల్‌లో నిర్మాణంలో ఉన్న వేయి పడకల టీమ్స్ ఆసుపత్రి పనులను జిల్లా కలెక్టర్ మను చౌదరి గురువారం పరిశీలించారు. ఆసుపత్రి నిర్మాణ పురోగతిపై సంబంధిత ఇంజనీరింగ్ అధికారులతో చర్చించి, పూర్తికావలసిన పనుల వివరాలను తెలుసుకున్నారు.
డిసెంబర్ 2026లో పూర్తి లక్ష్యం:
అధికారులు ఇచ్చిన వివరాల ప్రకారం, ఈ ఆసుపత్రి నిర్మాణం డిసెంబర్ 2026 నాటికి పూర్తి చేయాలని లక్ష్యంగా పని జరుగుతోంది. మొత్తం ఏడు అంతస్తులుగా ఆసుపత్రి నిర్మితమవుతుందని తెలిపారు.
వైద్య సేవలందించేందుకు అవసరమైన భారీ వైద్య పరికరాల ఏర్పాటుకు అనుగుణంగా నిర్మాణ పనులు జరుగుతున్నాయని అధికారులు కలెక్టర్‌కు వివరించారు.
నర్సింగ్ కాలేజీపై ప్రత్యేక దృష్టి:
కలెక్టర్ మను చౌదరి నర్సింగ్ కాలేజీ నిర్మాణం ఏ ప్రదేశంలో జరుగుతోందని కూడా అధికారులను ప్రశ్నించారు. అలాగే నిర్మాణానికి అవసరమైన పాలనాపరమైన అనుమతుల విషయంలో తాను సంబంధిత కార్యదర్శులతో మాట్లాడతానని చెప్పారు.
అధికారుల పాల్గొనడం:
ఈ సందర్శన కార్యక్రమంలో అల్వాల్ ఎమ్మార్వో రాములు, ఇతర అధికారులతో కలిసి పాల్గొన్నారు.