అశోక్ నగర్‌లో హిందూ సమ్మేళన ఉత్సవాలు ఘనంగా ప్రారంభం

కాలనీ వాసులు కాషాయ జెండాలు పట్టుకుని వీధి వీధి తిరుగుతూ శ్రీ నామ జపం చేస్తూ భక్తి పరవశంతో పాల్గొన్నారు. ఈ సందర్భంగా ప్రాంతమంతా ఆధ్యాత్మిక వాతావరణంతో మార్మోగింది.

సమ్మేళన సమితి సభ్యులు మాట్లాడుతూ, శనివారం వాసవి స్కూల్‌లో నిర్వహించనున్న ప్రధాన హిందూ సమ్మేళన కార్యక్రమానికి 15, 16, 17 వార్డుల ప్రజలతో పాటు హిందూ బంధువులందరూ కుటుంబ సమేతంగా హాజరు కావాలని పిలుపునిచ్చారు.

ఈ కార్యక్రమాన్ని విజయవంతం చేయాలని వారు కోరారు. అనంతరం భక్తులకు అన్న ప్రసాదం పంపిణీ చేయనున్నట్లు తెలిపారు.