కామారెడ్డి జిల్లాలోని శాబ్ధిపూర్, క్యాసంపల్లి గ్రామాల్లో మాజీ ఎమ్మెల్యే, మాజీ ప్రభుత్వ విప్ గంప గోవర్ధన్ ఆదివారం పర్యటించి, పలువురిని పరామర్శించారు. ఇటీవల మరణించిన వారి కుటుంబాలకు సంతాపం తెలపడంతో పాటు, అనారోగ్యంతో ఉన్నవారిని పరామర్శించి ధైర్యం చెప్పారు.
కామారెడ్డి మండల పరిధిలోని శాబ్ధిపూర్ గ్రామంలోని గోసంగి కాలనీలో ఇటీవల మరణించిన నెరిగొండ రఘురాములు గారి కుటుంబాన్ని మాజీ ఎమ్మెల్యే గంప గోవర్ధన్ ఆదివారం పరామర్శించారు. వారి కుటుంబ సభ్యులకు ప్రగాఢ సానుభూతిని వ్యక్తం చేశారు.
అదేవిధంగా, క్యాసంపల్లి గ్రామంలో మాజీ ఎంపీటీసీ గారి తండ్రికి ఇటీవల గుండె శస్త్రచికిత్స జరిగిన సందర్భంగా, ఆయన ఇంటికి వెళ్లి ఆరోగ్య పరిస్థితిని అడిగి తెలుసుకున్నారు. కుటుంబ సభ్యులకు ధైర్యం నింపారు.
ఈ పర్యటనలో స్థానిక బీఆర్ఎస్ నాయకులు, కార్యకర్తలు, సర్పంచ్లు, ఉపసర్పంచ్లు పెద్ద సంఖ్యలో పాల్గొన్నారు. ఈ సందర్భంగా గ్రామ అభివృద్ధికి సంబంధించిన పలు అంశాలపై కూడా చర్చ జరిగినట్లు సమాచారం.
గంప గోవర్ధన్ పర్యటనలో పాత హన్మాండ్లగూడెం బాలరాజు, నల్లవెల్లి అశోక్, కుంబాల రవి, సర్పంచ్లు రేకులపల్లి పద్మ, అడపా శ్యామ్, ఉపసర్పంచ్ చింతల నర్సిములు, గణేష్ గౌడ్, కొట్టూరి జగదీశ్వర్, రాజయ్య, నాగిరెడ్డి, శివారెడ్డి, ఆనంద్ గౌడ్, సిద్దిరాములు, శారద, శ్రీనివాస్, లింగం బాలరాజు తదితరులు పాల్గొన్నారు.
