కామారెడ్డిలో అంబేద్కర్, జగ్జీవన్ రామ్ జయంతి ఉత్సవాల నిర్వహణపై కలెక్టర్ సమీక్ష

జిల్లా కలెక్టర్ ఆశిష్ సాంగ్వాన్, మినీ సమావేశ మందిరంలో నిర్వహించిన సమీక్షలో మాట్లాడుతూ, జయంతి ఉత్సవాల నిర్వహణకు సమగ్ర ఏర్పాట్లు చేయాలని అధికారులకు సూచించారు. కార్యక్రమాలు ఎటువంటి ఆటంకాలు లేకుండా సజావుగా జరిగేలా చూడాలని, దీనికోసం ముందస్తు ప్రణాళిక అవసరమని ఆయన నొక్కి చెప్పారు.

వేదిక వద్ద కూర్చునే ఏర్పాట్లు, త్రాగునీటి సరఫరా, భోజన సదుపాయాలు, వైద్య సేవలు, భద్రతా చర్యలు మరియు నిరంతరాయ విద్యుత్ సరఫరా వంటి అంశాలపై ప్రత్యేక శ్రద్ధ వహించాలని కలెక్టర్ అధికారులను ఆదేశించారు.

జిల్లాలోని అన్ని ప్రభుత్వ శాఖల అధికారులు సమన్వయంతో పనిచేసి, ఈ ఉత్సవాలను విజయవంతం చేయాలని ఆయన పిలుపునిచ్చారు. ఈ సమీక్షా సమావేశంలో ఏసీఎల్‌బీ మధుమోహన్, ఆర్డీవో ఎన్‌వీ గిరి, ఎస్సీ కార్పొరేషన్ అధికారి వెంకటేశ్వర్లు, సంఘ సభ్యులు పాల్గొన్నారు.