కామారెడ్డి జిల్లా కేంద్రంలో “సంచార జాతులు – సమగ్ర సర్వే” పుస్తకావిష్కరణ కార్యక్రమం జరిగింది. ఈ పుస్తకాన్ని కామారెడ్డి శాసన సభ్యులు కాటిపల్లి వెంకట రమణ రెడ్డి ఆవిష్కరించారు. ఈ సందర్భంగా సంచార జాతుల చరిత్ర, ప్రస్తుత పరిస్థితులపై చర్చ జరిగింది.
అఖిల భారత సామాజిక సమరసతా కళావిభాగం కన్వీనర్ అప్పాల ప్రసాద్ మాట్లాడుతూ, మొఘల్, బ్రిటిష్ పాలనలో సంచార జాతుల పాత్రను గుర్తుచేశారు. 1871 క్రిమినల్ ట్రైబ్స్ యాక్ట్ వారి జీవన స్థితిగతులను దుర్భరం చేసిందని తెలిపారు.
సామాజిక సమరసతా వేదిక ఆధ్వర్యంలో రాష్ట్రవ్యాప్తంగా 1450 కుటుంబాల్లో సేకరించిన వివరాలతో ఈ పుస్తకం రూపొందించబడింది. కామారెడ్డి జిల్లాలో 162 కుటుంబాలపై ప్రత్యేక సర్వే నిర్వహించారు.
సమావేశంలో సంచార జాతుల కళలను ప్రోత్సహించాలని, వారి ఆచార సంప్రదాయాలను గౌరవించాలని, పిల్లలకు ప్రత్యేక విద్య అందించాలని విజ్ఞప్తి చేశారు. కుల సర్టిఫికెట్ల సరళీకరణ, ఉపాధి పథకాలు, భూమిలేనివారికి భూములు, పక్కా ఇళ్లు మంజూరు చేయాలని డిమాండ్ చేశారు.
ఈ కార్యక్రమంలో పలువురు సామాజిక నాయకులు పాల్గొన్నారు. ఈ పుస్తకం అమెజాన్లో ఆన్లైన్లో అందుబాటులో ఉంది.