విజయవాడ నగరంలో, ముఖ్యంగా అజిత్ సింగ్నగర్ ప్రాంతంలో రేషన్ బియ్యం అక్రమ రవాణా యథేచ్ఛగా కొనసాగుతోంది. పేదల పాలిట బియ్యం పక్కదారి పడుతుండగా, కొందరు వ్యక్తులు తక్కువ ధరకు సేకరించి, వాటిని పాలిష్ చేసి ఇతర రాష్ట్రాలకు తరలిస్తున్నారని సమాచారం.
అజిత్ సింగ్నగర్ వంటి జనసాంద్రత కలిగిన ప్రాంతాల్లో దళారులు నేరుగా ఇళ్ల వద్దకు వెళ్లి రేషన్ బియ్యాన్ని కిలో ₹10-₹15 చొప్పున సేకరిస్తున్నారు. ఈ బియ్యాన్ని అర్ధరాత్రి వేళల్లో ఆటోలు, టాటా మ్యాజిక్ వాహనాల్లో గోదాములకు తరలిస్తున్నట్లు తెలుస్తోంది.
ఈ అక్రమ వ్యాపారంలో 'కోటి' అనే వ్యక్తితో పాటు నరేంద్ర, రామచంద్రరావు, బాబూజీ వంటి వారి పేర్లు కూడా వినిపిస్తున్నాయి. వీరంతా గతంలో కూడా ఇలాంటి కార్యకలాపాలకు పాల్పడినట్లు సమాచారం.
ఇటీవల ఎన్టీఆర్ జిల్లాలో రేషన్ కింగ్పిన్ కాజ సత్యనారాయణ (జయంతి సత్యం) పై పోలీసులు పీడీ యాక్ట్ నమోదు చేసి అరెస్ట్ చేశారు. ఈ సంఘటన నగరంలోని ఇతర రేషన్ అక్రమ వ్యాపారులలో భయాందోళనలు సృష్టిస్తోంది.
అధికారులు ఈ అక్రమ రవాణాను అడ్డుకోవడానికి కఠిన చర్యలు తీసుకోవాలని, రేషన్ బియ్యం అర్హులైన లబ్ధిదారులకు సక్రమంగా అందేలా చూడాలని కోరబడుతోంది.
