ధర్మయుద్ధం – రాముని సందేశం..

ప్రభు శ్రీరామచంద్రుడు, సనాతన ధర్మానికి అత్యంత శ్రేష్టమైన ప్రతీక. ఆయన జీవితం, నడవడిక, ధర్మాన్ని కాపాడటానికి చేసిన ప్రయత్నాలు మనకు ఎన్నో విషయాలు నేర్పిస్తాయి. శ్రీరాముడు, తన జీవితంలో ఎన్నో కష్టాలను ఎదుర్కొన్నా, ఎప్పుడూ ధర్మ మార్గం నుండి తొలగిపోలేదు. ఇదే సనాతన ధర్మానికి రాముని సందేశం…

అడవికి వెళ్లిన రాముడు:

ప్రభు శ్రీరామచంద్రుడు, తన తండ్రి దశరథ మహారాజు మాటను నిలబెట్టుకోవడానికి, తండ్రి ఇచ్చిన వాక్కును కాపాడటానికి, అడవికి వెళ్లాడు. అయితే, అందరూ అనుకుంటారేమో ఆయన అన్ని రాజసౌకర్యాలను వదిలి అడవికి వెళ్ళిపోయారని. నిజమే, రాముడు తన కిరీటం, విలాసవంతమైన జీవనం, రాజభవనం అన్నిటినీ వదిలాడు. ఆయన పాదరక్షలు కూడా లేకుండా అడవిలో అడుగుపెట్టారు. కానీ, రాముడు ఏమి వదల్లేదు అంటే, ధనుర్భాణాలను మాత్రం వదలలేదు.ఇది చాల ముఖ్యమైన విషయం. రాముడు సర్వం వదిలినా, తన ఆయుధాలను మాత్రం వదల్లేదు. ఎందుకు? ఎందుకంటే, ఆయుధాలు అతని ధర్మయుద్ధానికి ప్రతీక. ఆయనకి అవి రక్షణకు మాత్రమే కాదు, ధర్మాన్ని కాపాడటానికి అవసరమైన సాధనాలు. ఆ ధనుస్సు, బాణాలు ఆయన దైవ దత్తమైనవని చెప్పవచ్చు. ఇది రాముని ద్వారా మనకు వచ్చిన శాశ్వత సందేశం.

అహింస గురించి ఆలోచన..

సనాతన ధర్మం అనేది ఒక సమగ్రమైన జీవన విధానం. ఆ ధర్మంలో అహింసకి, శాంతికి ఎంతో ప్రాధాన్యం ఉంది. కానీ అదే సమయంలో, ధర్మాన్ని కాపాడడానికి శస్త్రాస్రధారణ అనేది ముఖ్యమైన బాధ్యతగా ఉంది. రాముడు మనకు ఇదే చెప్పాడు. మనం ఎన్నటికీ అహింస అనే నపుంసక మాయలో పడకూడదు. అహింస అనేది ఒక విలువైన గుణం, కానీ దానిని తప్పుగా అర్థం చేసుకుంటే మన వీరత్వానికి గండిపడుతుంది.మన పూర్వీకులు ఎప్పుడూ అహింసను శక్తిగా వాడేవారు, దుర్బలతగా కాదు. రాముడు, తన ఆయుధాలను వదలకపోవడంలో కూడా ఇదే విషయం చెప్పాడు. అహింసతో పాటు మనకు అవసరమైన దివ్య శక్తి కూడా ఉండాలి. అది శస్త్రాలతోనే కాపాడబడుతుంది.

ధర్మయుద్ధం – రాముని సందేశం..

రామాయణం ఒక కథ కాదు, అది ధర్మయుద్ధానికి సూచిక. రాముడు తన పుత్ర ధర్మాన్ని కాపాడటానికి అడవికి వెళ్ళాడు. అతని లక్ష్యం ఎప్పుడూ ధర్మాన్ని నిలబెట్టుకోవడమే. అందుకే, రాముడు తన ధనుర్భాణాలను వదల్లేదు. ఆ ధనుస్సు ఆయన ధర్మానికి ప్రతీకగా నిలిచింది. రాముడు ఒక శూరుడి మాదిరిగా తన ఆయుధాలను తనతో తీసుకుని వెళ్ళాడు.

రావణాసురుని వంటి అధర్మానికి ప్రతీకలతో యుద్ధం చేయడానికి ఆయుధాలు అవసరం. ధర్మాన్ని కాపాడడానికి శౌర్యం అవసరం. ఈ శౌర్యాన్ని కాపాడటంలో, ఆయుధాలు ఒక ముఖ్యమైన పాత్ర పోషిస్తాయి. సనాతన ధర్మం లో  శాస్త్రం రెండింటి ప్రాముఖ్యత ఉంది.

శస్త్రాస్రధారణ యొక్క ప్రాముఖ్యత..

మన పురాణాలు, ఇతిహాసాలు అన్నింటిలో కూడా శస్త్రధారణకు ప్రాముఖ్యత ఉంది. అహింస, శాంతి అనేవి ముఖ్యమైనవే కానీ, వాటిని కాపాడటానికి శక్తి కూడా అవసరం. అది శస్త్రాలను వదలకుండా, వాటిని సద్వినియోగం చేయడం ద్వారా సాధ్యం అవుతుంది.శ్రీరాముడు తన ఆయుధాలను ఎందుకు వదల్లేదంటే, ఆయుధాలు వదిలేసినప్పుడు మన బలహీనత బయటపడుతుంది. మనం అహింస అని అనుకుంటూ, శాంతిని పాటించాలనుకుంటే, అదే సమయంలో శక్తి కూడా మనతో ఉండాలి. రాముడు ఒక ఆదర్శవంతమైన రాజు. ఆయన ఒక ధర్మరాజు. అలాంటి రాజు తన రాజ్యానికి, తన ప్రజలకు రక్షణ కల్పించడానికి ఆయుధాలను వదిలి వేయడు.ఇదే రాముని సందేశం. మనం శక్తిని వదలకుండా, ధర్మాన్ని కాపాడాల్సిన సమయం ఇది. ఈ శక్తి మన శాస్త్ర విద్యలో ఉంది.

సమకాలీన కాలంలో రామాయణం పాఠాలు..

ఇప్పటి సమాజంలో కూడా రామాయణం మనకు శాస్త్రధారణ పాఠాలను నేర్పుతుంది. రాముడు చెప్పిన విధంగా మనం ఎప్పుడూ క్షమను పాటించాలి కానీ, అది మనం బలహీనులం అనే భావనను కలిగించకూడదు. మనలో బలం ఉండాలి, ధర్మాన్ని కాపాడే శక్తి ఉండాలి. ఈ శక్తి అనేది భౌతికమైనది కాదు, అది ఒక మానసిక స్థితి. సమాజంలో అన్యాయం, అధర్మం చోటు చేసుకుంటే, దానిని ఎదుర్కొనే శక్తి మనలో ఉండాలి. రాముడు అనుసరించిన ఈ ధర్మయుద్ధ పాఠాలను మనం కచ్చితంగా జ్ఞాపకం చేసుకోవాలి. ఆయన తండ్రి మాటను పాటిస్తూ అడవికి వెళ్ళినప్పుడు, ఆయన భౌతిక ఆస్తులు అన్నింటినీ వదిలినా, తన శక్తిని వదల్లేదు. ఈ శక్తి, ఈ ధైర్యం మనకూ ఉండాలి.

యుద్ధం – ఆఖరి మార్గం..

శ్రీరాముడు ఎప్పటికీ యుద్ధాన్ని మొదటి పరిష్కారంగా తీసుకోలేదు. ఆయన ఎప్పుడూ శాంతి మార్గం అవలంబించాడు. కానీ, అధర్మం తన పరిమితులను దాటితే, ఆయన యుద్ధాన్ని కూడా అవసరమైన మార్గంగా స్వీకరించాడు. రావణుని మీద యుద్ధం చేయడం రాముని ప్రత్యామ్నాయం కాదు, అది అతని బాధ్యత.ప్రతిరోజూ మన జీవితాలలో కూడా ఇలాంటి పరిస్థితులు ఎదురవుతాయి. మనం శాంతియుత మార్గాలను ఎంచుకోవచ్చు, కానీ కచ్చితంగా శస్త్రధారణ అవసరమైన సందర్భాలలో మనం దివ్యంగా బలవంతులు కావాలి.

ప్రజా రక్షణలో శాస్త్ర విద్య..

ఇప్పటికీ, ప్రజలను రక్షించుకోవడం, సామాజికంగా ధర్మాన్ని నిలబెట్టుకోవడం చాలా ముఖ్యమైనది. రాముడు, తన ప్రజల కోసం, తన కుటుంబం కోసం తన ఆయుధాలను వదల్లేదు. మనం కూడా సామాజిక బాధ్యతగా శక్తిని కాపాడుకోవాలి. అహింస ఒక పద్ధతి మాత్రమే, కానీ శస్త్రాస్రధారణ అనేది ఒక కర్తవ్యం.ధర్మయుద్ధానికి సమయమైనప్పుడు, రాముడు తన ధనుస్సుతో యుద్ధానికి సిద్ధపడ్డాడు. మనం కూడా సమాజంలో ఉన్న సమస్యలను ఎదుర్కొనేందుకు శక్తిని పెంపొందించుకోవాలి. అది మానసికంగా, శారీరకంగా కూడా ఉండాలి.

సనాతన ధర్మంలో శస్త్ర విద్య..

సనాతన ధర్మంలో శాస్త్రం మరియు శస్త్రం రెండింటినీ సమానంగా చూసారు. శాస్త్రం అంటే జ్ఞానం, శాస్త్ర విద్య, ఆధ్యాత్మికత; శస్త్రం అంటే ఆయుధాలు, శౌర్యం, రక్షణ. ఈ రెండింటి మధ్య సమతుల్యత కలిగినప్పుడు మనం ధర్మాన్ని కాపాడగలుగుతాం. రాముడు ఈ సమతుల్యతను అర్థం చేసుకుని తన ప్రయాణంలో ఎప్పుడూ ధనుర్బాణాలను వదల్లేదు. ఇది సనాతన ధర్మానికి ఇచ్చిన గొప్ప సందేశం.

మన సమాజంలో వీరత్వం:

మనకు ఇప్పుడు అహింస అనే నపుంసక మాయలో పడకూడదు. మన వీరత్వానికి గండిపడే రోజులు మళ్లీ రాకూడదు. మన పూర్వీకులూ అదే చెప్పినారు – అహింసను పాటించండి, కానీ శక్తిని వదులుకోకండి. మనం తిరిగి శస్త్రాస్రధారులం కావాలి. మన ధర్మాన్ని