విద్యార్థి విజ్ఞాన్ మంథన్ బ్రోచర్ ఆవిష్కరించిన జిల్లా కలెక్టర్ ఆశీష్ సాంగ్వాన్
ప్రశ్న ఆయుధం సెప్టెంబర్ 8,
కామారెడ్డి కలెక్టరేట్‌లో విద్యార్థి విజ్ఞాన్ మంథన్ బ్రోచర్‌ను జిల్లా కలెక్టర్ ఆశీష్ సాంగ్వాన్ విడుదల చేశారు. ఈ కార్యక్రమంలో జిల్లా సైన్స్ అధికారి సిద్ధిరామిరెడ్డి ఆధ్వర్యంలో వివరణాత్మకంగా వివరాలు అందించారు.
కలెక్టర్ మాట్లాడుతూ విద్యార్థులలో దాగివున్న శాస్త్రీయ, సృజనాత్మక ఆలోచనలను వెలికితీసి పరిశోధన, ఆవిష్కరణల దిశగా ప్రోత్సహించడమే ఈ పరీక్ష లక్ష్యమని చెప్పారు. కేంద్ర సాంకేతిక సమాచార సంస్థ ఆధ్వర్యంలో, , ఎన్సీఈఆర్టీ, ఎన్ సి ఎస్ ఎం విజ్ఞాన భారతి సంయుక్తంగా ఈ జాతీయ స్థాయి ప్రతిభ పరీక్ష నిర్వహిస్తున్నట్టు తెలిపారు.
ఆరో తరగతి నుంచి ఇంటర్మీడియట్ ఫస్ట్ ఇయర్ వరకు చదువుతున్న విద్యార్థులు ఈ పరీక్షలో పాల్గొనవచ్చని, ప్రతిభ కనబరిచిన వారికి ప్రముఖ పరిశోధనా సంస్థల్లో స్కాలర్షిప్, ఇంటర్న్షిప్ అవకాశాలు లభిస్తాయని కలెక్టర్ వెల్లడించారు.
ఈ కార్యక్రమంలో విద్యార్థి విజ్ఞాన్ మంథన్ జిల్లా కోఆర్డినేటర్ ప్రవీణ్ కుమార్ పాల్గొన్నారు.
