మధ్యప్రదేశ్కు చెందిన సవితా ప్రధాన్, అత్తింటి వేధింపులు, పేదరికాన్ని అధిగమించి IAS అధికారిణిగా ఎదిగిన స్ఫూర్తిదాయక ప్రయాణం ఎందరికో ఆదర్శం. తన జీవితానుభవాలను ఇతరులకు పాఠాలుగా చెబుతూ, మహిళలకు ధైర్యాన్ని నూరిపోస్తున్నారు.
సవితా ప్రధాన్, మధ్యప్రదేశ్లోని గ్వాలియర్, చంబల్కు అర్బన్ అడ్మినిస్ట్రేషన్ జాయింట్ డైరెక్టర్గా పనిచేస్తున్నారు. ఆమె గతం కష్టాలతో నిండి ఉంది. బీడీ ఆకులు ఏరుతూ, కూలీ చేసుకునే ఆదివాసి కుటుంబంలో జన్మించిన ఆమె, పేదరికంలో పెరిగింది. స్కాలర్షిప్ డబ్బులతోనే చదువుకుంది.
పదో తరగతి తర్వాత పెళ్లి చేసుకున్న సవితా, అత్తింట్లో తీవ్రమైన వేధింపులు ఎదుర్కొంది. కోడలిగా కాకుండా పనిమనిషిలా చూడటంతో, ఆమె జీవితం దుర్భరంగా మారింది. ఆత్మహత్య చేసుకోవాలనేంత మానసిక క్షోభ అనుభవించింది.
గర్భవతిగా ఉన్నప్పుడు కూడా సరైన తిండి దొరకలేదు. ఆకలికి తట్టుకోలేక, రొట్టెలు దొంగిలించి రహస్యంగా తినేది. ఇద్దరు పిల్లలు పుట్టినా పరిస్థితిలో మార్పు రాలేదు. ఒకరోజు ఆత్మహత్య చేసుకోవడానికి సిద్ధపడినా, పిల్లల భవిష్యత్తును తలచుకుని వెనక్కి తగ్గింది.
రెండు వేల రూపాయలతో ఇంటి నుంచి బయటకు వచ్చి, అనేక కష్టాలు పడుతూనే బీఏ, ఎంఏ పూర్తి చేసింది. UPSC పరీక్షల్లో విజయం సాధించి, 24 ఏళ్లకే IAS అధికారిణిగా బాధ్యతలు చేపట్టింది. ఇప్పుడు 'హిమ్మత్ వాలీ లడ్కియా' పేరుతో యూట్యూబ్ ఛానల్ నడుపుతూ, మహిళలకు ధైర్యాన్ని అందిస్తోంది.
