విద్యాశాఖ అధికారి రాజుకు వీడ్కోలు

జిల్లా విద్యాశాఖ అధికారి (డీఈఓ) రాజు బదిలీపై వెళుతున్న సందర్భంగా ఆయనకు బుధవారం వీడ్కోలు పలికారు. ఈ కార్యక్రమంలో జిల్లా కలెక్టర్ ఆశిష్ సాంగ్వాన్, డీఈఓ రాజును శాలువాతో సన్మానించారు.

ఈ సన్మాన కార్యక్రమంలో పలువురు విద్యాశాఖ సిబ్బంది, టీఎన్జీ ఓఎస్ ప్రతినిధులు కూడా పాల్గొన్నారు.

డీఈఓ రాజు తన పదవీకాలంలో జిల్లా విద్యావ్యవస్థ మెరుగుదలకు అనేక చర్యలు చేపట్టారని, విద్యార్థుల అభ్యున్నతికి కృషి చేశారని పలువురు తెలిపారు.

కొత్త స్థానంలో రాజు మరిన్ని విజయాలు సాధించాలని కలెక్టర్ ఆశిష్ సాంగ్వాన్ ఆకాంక్షించారు. ఈ సందర్భంగా రాజు తన అనుభవాలను, జ్ఞాపకాలను పంచుకున్నారు.