నిజామాబాద్, సెప్టెంబర్ 26 (ప్రశ్న ఆయుధం)
తెలంగాణ సాయుధ ఉద్యమ యోధురాలు, వీరనారి చాకలి ఐలమ్మ ఆశయాలను నిజం చేయడమే ఆమెకు నిజమైన నివాళి అవుతుందని అర్బన్ శాసనసభ్యుడు ధన్పాల్ సూర్యనారాయణ, అదనపు జిల్లాధికారి అంకిత్ పేర్కొన్నారు. చాకలి ఐలమ్మ జయంతిని పురస్కరించుకుని శుక్రవారం నగరంలోని వినాయక్‌నగర్‌లో ఉన్న విగ్రహానికి పుష్పమాలలు సమర్పించి ఘనంగా నివాళులు అర్పించారు.
ఆ తరువాత జిల్లాలో వెనుకబడిన తరగతుల అభివృద్ధి శాఖ ఆధ్వర్యంలో న్యూ అంబేద్కర్ భవనంలో జ్యోతి వెలిగించి ఐలమ్మ జయంతి వేడుకలు నిర్వహించారు. ఈ సందర్భంగా అదనపు జిల్లాధికారి మాట్లాడుతూ – ‘‘చాకలి ఐలమ్మ గారు సామంతశాయిపట్ల తిరుగుబాటు చేసి, దళితుల హక్కుల కోసం పోరాడిన ధీరవనిత. ఆమె పోరాటం నుంచి అందరూ ప్రేరణ పొందాలి. ఐలమ్మ గారి ఆశయాల సాధన కోసం సమాజం మొత్తం అంకితభావంతో ముందుకు సాగాలి’’ అన్నారు.
శాసనసభ్యుడు సూర్యనారాయణ మాట్లాడుతూ – ‘‘చాకలి ఐలమ్మ తెలంగాణ సాయుధ ఉద్యమంలో కీలక పాత్ర పోషించారు. సామాజిక సమానత్వం కోసం ఆమె చేసిన త్యాగాలు చిరస్మరణీయమైనవని’’ పేర్కొన్నారు.
ఈ కార్యక్రమంలో జిల్లా వెనుకబడిన తరగతుల అభివృద్ధి అధికారి నర్సయ్య, సహాయ అభివృద్ధి అధికారి గంగాధర్, రజక కులాల సంఘాల అధ్యక్షులు, కార్యదర్శులు, వివిధ కుల సంఘాల ప్రతినిధులు పాల్గొన్నారు.