వ్యవసాయ మార్కెట్ కమిటీ జమ్మికుంట మాజీ చైర్మన్ తుమ్మేటి సమ్మిరెడ్డి ఆకస్మిక మృతి
జమ్మికుంట సెప్టెంబర్ 14( ప్రశ్న ఆయుధం)
కరీంనగర్ జిల్లా జమ్మికుంట వ్యవసాయ మార్కెట్ కమిటీ మాజీ చైర్మన్,కాంగ్రెస్ పార్టీ సీనియర్ నాయకుడు తుమ్మెటీ సమ్మిరెడ్డికి శుక్రవారం అర్ధరాత్రి (శనివారం ఉదయం) ఒంటిగంట ప్రాంతంలో గుండె పోటుతో ఆకస్మికంగా మృతి చెందారు తుమ్మేటి సమ్మిరెడ్డికి అర్ధరాత్రి ఒక గంటకు గుండెపోటు రావడంతో వారి కుటుంబ సభ్యులు జమ్మికుంట ప్రభుత్వ ఆసుపత్రి తీసుకొని వచ్చారు వైద్యులు పరీక్షించి వైద్యం చేస్తుండగానే చికిత్స పొందుతూ మృతి చెందాడని డాక్టర్లు తెలిపారు సమ్మిరెడ్డి చదువుకునే సమయంలోనే ఎన్ ఎస్ యుఐ విద్యార్థి నాయకుడిగా కొనసాగారు. మాజీ పి సి సి కార్యదర్శిగా, కాంగ్రెస్ మీడియా సెల్ ఇంఛార్జిగా, జమ్మికుంట మార్కెట్ కమిటీ మాజీ చైర్మన్ గా తుమ్మెటి సమ్మిరెడ్డి సేవలందించారు దివంగత మాజీ కేంద్ర, రాష్ట్ర మంత్రిగా పనిచేసిన ఎం సత్యనారాయణ రావు (ఎమ్మెస్సార్) శిష్యుడిగా రాజకీయ జీవితం ప్రారంభించి కాంగ్రెస్ పార్టీలో పలు పదవులు అలంకరించారు కాంగ్రెస్ పార్టీలో ఎంతో చురుకుగా పనిచేస్తూ మంచి పేరు తెచ్చుకున్న సమ్మిరెడ్డి అనుకోకుండా ఒక్కసారిగా గుండెపోటుకు గురై ఆకస్మికంగా మృతి చెందడం కుటుంబ సభ్యులను తీవ్ర విషాదంలోకి నెట్టగా కాంగ్రెస్ పార్టీ శ్రేణులనే కాక అతని అభిమానులను పార్టీ శ్రేణులను తీవ్ర దిగ్భ్రాంతికి గురి చేసింది.
–తుమ్మేటి మృతి పట్ల మంత్రి పొన్నం ఎమ్మెల్సీ బల్మూరు వెంకట్ కరీంనగర్ పార్లమెంటు నియోజకవర్గం ఇంచార్జ్ వెలిచాల రాజేందర్ రావు హుజురాబాద్ పార్టీ నియోజకవర్గ ఇన్చార్జ్ ప్రణవ్ ల సంతాపం
మిత్రుడు, జమ్మికుంట మాజీ మార్కెట్ కమిటీ చైర్మన్ తుమ్మెటీ సమ్మిరెడ్డి రాత్రి జమ్మికుంటలో ఆకస్మికంగా మృతి నన్ను తీవ్ర ధ్రిగ్బాంతికి గురి చేసిందని రవాణా బీసీ సంక్షేమ శాఖ మంత్రి పొన్నం ప్రభాకర్ అన్నారు వారి మృతి పట్ల ప్రగాఢ సంతాపంను తెలియ చేస్తూ వారి కుటుంబము కు నా ప్రగాఢ సానుభూతిని వ్యక్తం చేశారు ఎమ్మెల్సీ బల్మూరు వెంకట్ కరీంనగర్ పార్లమెంటు నియోజకవర్గ ఇంచార్జ్ వెలిచాల రాజేందర్రావు హుజరాబాద్ పార్టీ నియోజకవర్గ ఇన్చార్జ్ ప్రణవ్ తుమ్మేటి సమీరెడ్డి మృతి పట్ల ప్రగాఢ సంతాపం తెలియజేశారు.
