టీమ్ ఎఫ్.వై.ఎన్ ఆధ్వర్యంలో ఘనంగా వినాయక నిమజ్జనం
మేడ్చల్ జిల్లా నాగారం ప్రశ్న ఆయుధం ఆగస్టు 31
టీమ్ ఎఫ్.వై.ఎన్ (ఫ్రెండ్స్ యూత్ నాగారం) ఆధ్వర్యంలో జరిగిన వినాయక నిమజ్జనోత్సవం అంగరంగ వైభవంగా నిర్వహించబడింది. ఈ సందర్భంగా నిర్వహించిన సాంస్కృతిక కార్యక్రమాలు, విన్యాసాలు, పాటలు, మరియు లడ్డూ వేలం ఈ ఉత్సవానికి ప్రత్యేక ఆకర్షణగా నిలిచాయి.
కాశీ నుండి ప్రత్యేకంగా వచ్చిన బృందం నిర్వహించిన గంగా హారతి ఈ వేడుకకు మరింత వైభవాన్ని తీసుకొచ్చింది. ఈ సందర్భంగా జరిగిన లడ్డూ వేలం పోటీలో…
* ప్రథమ లడ్డూను అనఘ ఇంజనీర్స్ ₹2,70,000కి దక్కించుకున్నారు.
* ద్వితీయ లడ్డూను సాయిల్ గ్రూప్స్ వారు ₹1,45,000కి సొంతం చేసుకున్నారు.
* తృతీయ లడ్డూను నొముల చంద్రు రెడ్డి ₹1,10,000కి దక్కించుకున్నారు.
“గణపతి బప్పా మోరియా” నినాదాలతో ఊరంతా మార్మోగింది. ఈ కార్యక్రమాన్ని విజయవంతం చేసిన ప్రతి ఒక్కరికీ నిర్వాహకులు కృతజ్ఞతలు తెలిపారు. వచ్చే ఏడాది మరింత ఉత్సాహంతో, కొత్త విశేషాలతో ఈ కార్యక్రమాన్ని నిర్వహిస్తామని పేర్కొన్నారు.
