●గురుదంపతులకు ఘనంగా సన్మానం……
●గురుపౌర్ణమి సందర్బంగా అమ్మవారి ఉపాసకులు శాస్త్రుల లక్ష్మీవెంకటేశ్వర శర్మ దంపతులను సన్మానించిన పబ్బ రమేష్ గుప్త దంపతులు..
ప్రశ్న ఆయుధం న్యూస్ జులై 21(మెదక్ ప్రతినిధి శివ్వంపేట మండలం)
వ్యాస భగవానుని జన్మదినమైన గురుపౌర్ణమి సందర్బంగా బగలాముఖీ శక్తిపీఠం ట్రస్టు చైర్మన్, అమ్మవారి ఉపాసకులు, బ్రహ్మర్శి, శాస్త్రుల లక్ష్మీవెంకటేశ్వర శర్మ గురుదంపతులను బగలాముఖీ శక్తిపీఠం స్థలదాతలు పబ్బ రమేష్ గుప్త – స్వరూప దంపతులు, ట్రస్టు సభ్యులు తాజామాజీ జడ్పీటీసీ పబ్బ మహేష్ గుప్తతో కలిసి ఆదివారం బగలాముఖీ శక్తిపీఠం ప్రాంగణంలోని ధ్యానమందిరంలో పండ్లు, ఫలాలు, పూలు,నూతన వస్త్రాలను సమర్పించి, శాలువాలతో ఘనంగా సన్మానించి గురుదేవుల ఆశీర్వాదాలను అందుకున్నారు.ప్రతినిత్యం సామాజిక, ఆధ్యాత్మిక కార్యక్రమాలను చేపడుతున్న పబ్బ రమేష్ కుటుంబసభ్యులు అమ్మవారి కరుణ, కటాక్షలతో ప్రతినిత్యం సంతోషంగా, ఆయురారోగ్యాలతో, సిరిసంపదలతో తులతుగాలని వెంకటేశ్వర శర్మ దంపతులు ఆశీర్వదించారు. ఈకార్యక్రమంలో శ్రీగురుపీఠం చారిటబుల్ ట్రస్టు చైర్మన్ జిన్నారం పెద్దగౌని శివకుమార్ గౌడ్ – రమాదేవి దంపతులు, వంజరి కొండల్, రాజీపేట రాములు, బాసంపల్లి పోచగౌడ్, జోగని నవీన్, తదితరులు పాల్గొన్నారు.
