*స్థానిక ఎన్నికలవేళ యువ నాయకుని గ్రామీణ హామీల వాగ్దానం*
*కన్న కలలను నెరవేర్చుకునే పనిలో యువకుడు*
*వీణవంక అక్టోబర్ 16 (ప్రశ్న ఆయుధం)*
రాష్ట్రంలో ‘స్థానిక’ ఎన్నికలకు సర్కారు కసరత్తు చేస్తుంటే దీంతో ఆశావహులు ఎలక్షన్స్ బరిలో నిలిచేందుకు సిద్ధపడుతున్నారు రాష్ట్ర ప్రభుత్వం ఇంకా లోకల్ బాడీ ఎలక్షన్స్ నిర్వహణకు సంబంధించిన నోటిఫికేషన్ విడుదల చేయకముందే గ్రామాలలో త్వరలో విడుదల చేయబోతున్నదనే అంచనాతో ఆశావహులు ముందే బరిలో నిలిచి గెలిచే ప్రయత్నాలు చేస్తున్నారు పవర్‌లోకి వస్తే తామేం చేస్తామో ముందే చెప్పేస్తున్నారు. కరీంనగర్ జిల్లా వీణవంక మండల పరిధిలోని లస్మక్కపల్లి గ్రామానికి చెందిన యువకుడు పదిమందితో కలిసి పోయే వ్యక్తి ప్రశాంత్ పటేల్ మద్దుల సర్పంచ్ ఎన్నికల్లో పోటీ చేసేందుకు రెడీ అవుతున్నారు. ఈ క్రమంలోనే బుధవారం సర్పంచ్ ఎన్నికల మేనిఫెస్టోను విడుదల చేశారు. తనను ఒకసారి ఆశీర్వదిస్తే..పది తరాలు గుర్తుండిపోయే విధంగా అభివృద్ధి చేస్తానని హామీనిచ్చారు. గ్రామంలోని ప్రతి కుటుంబంలో ఆడపిల్ల పెండ్లి భారం కాకూడదనే ఉద్దేశంతోనే ఆడబిడ్డ పెండ్లికి కానుకగా రూ.2,016, గ్రామ ప్రజలందరికీ ఉచిత తాగునీరు, నిరుద్యోగ ఆడపడుచులకు టైలరింగ్ లో శిక్షణ ఇప్పించుట, గ్రామంలో డాక్టర్ బీ.ఆర్.అంబేడ్కర్ విగ్రహం ఏర్పాటు, వీధిలైట్ల ఏర్పాటు, సీసీ రోడ్ల నిర్మాణం, ప్రతి నెలా హెల్త్ క్యాంప్ ఏర్పాటు, ఏటా వినాయక మండపాల్లో అన్నప్రసాదం సొంత ఖర్చుతో ఏర్పాటు, మహిళా సంఘాల భవనాల ఏర్పాటుకు కృషి, అర్హులైన వారికి పింఛన్ వచ్చేలా కృషి, మూతపడిన స్కూల్ రీ ఓపెనింగ్, గ్రామస్తులెవరైనా చనిపోతే అంతిమ సంస్కారాల కోసం రూ.2 వేల ఆర్థిక సాయం వంటి హామీలతో ఎన్నికల మేనిఫెస్టోను ప్రశాంత్ పటేల్ విడుదల చేశారు. లస్మక్కపల్లి గ్రామంలో ఇప్పటికే పలు సామాజిక కార్యక్రమాలను ప్రశాంత్ చేపట్టారు గ్రామానికి వచ్చే దారిలో అడ్డుగా ఉన్న చెట్ల తొలగింపుతో పాటు రోడ్డు మార్గంలో సొంత నిధులతో మొరం పోయించడం, సీజనల్ వ్యాధుల నేపథ్యంలో హెల్త్ క్యాంప్ ఏర్పాటు వంటివి చేసిన మద్దుల ప్రశాంత్ పటేల్.. రానున్న సర్పంచ్ ఎన్నికల్లోబరిలో నిలిచేందుకు ఊగిసలాడుతున్నాడు అయితే కనీసంగా నోటిఫికేషన్ రాకముందే యువనేత ప్రశాంత్ పటేల్ సొంత మేనిఫెస్టో విడుదల చేయడం గ్రామంతో పాటు మండల, నియోజకవర్గ రాజకీయ వర్గాల్లో చర్చ జరుగుతుంది ఎన్నికలకు సంసిద్ధమవుతున్న క్రమంలో అందరికంటే ముందు వరుసలో నిలిచేందుకు యువ ప్రశాంత్ ఇలా చేసి ఉంటారని పలువురు అభిప్రాయపడుతున్నారు యువకుని కల నెరవేరేనా వేచి చూడాలి
