మత్స్యకార దినోత్సవ వేడుకల్లో పాల్గొన్న జగిత్యాల ఎమ్మెల్యే
జగిత్యాల పట్టణ గల్ఫ్ గంగపుత్ర ఐక్యత సంక్షేమ సంఘం సహాయనిధి ఫౌండేషన్ ఆధ్వర్యంలో గురువారం నిర్వహించిన ప్రపంచ మత్స్యకార దినోత్సవ వేడుకల్లో జగిత్యాల ఎమ్మెల్యే డా.సంజయ్ కుమార్ పాల్గొని జెండా ఆవిష్కరించారు. అనంతరం గంగ పుత్ర సంఘం సభ్యులు ఎమ్మెల్యేకు చేపలు అందజేశారు. ఈ సందర్భంగా ఎమ్మెల్యే మాట్లాడుతూ గంగపుత్రులకు ప్రభుత్వం అన్నివిధాలా అండగా ఉంటుందని అన్నారు. ప్రజలు మాంసం విషయంలో చేపలు ప్రధానంగా తీసుకోవాలన్నారు. విటమిన్లు పుష్కలంగా ఉన్న చేపలను. తీసుకోవడం వల్ల ఆరోగ్యంగా ఉంటారని తెలిపారు. ఈ కార్యక్రమంలో గల్ఫ్ గంగపుత్ర ఐక్యత సంక్షేమ సంఘం సహాయనిధి ఫౌండేషన్ అధ్యక్షులు సముద్రాల తిరుపతి, జగిత్యాల వాణి నగర్ కౌన్సిలర్ జుంబర్తి రాజ్ కుమార్, గంగపుత్ర ఐక్యత సంక్షేమ సంఘం రాష్ట్ర అధ్యక్షులు (జగిత్యాల జిల్లా డిఎఫ్సిఎస్ చైర్మన్ పల్లికొండ ప్రవీణ్, చైర్మన్ ఆర్ముల పవన్, ఉపాధ్యక్షులు బద్దెల గంగ రాజ్యం, జగిత్యాల జిల్లా అధ్యక్షులు ఆర్ముల ఉమేందర్, చిట్యాల నారాయణ, శ్రీనివాస్, పల్లికొండ రవి, వర్మ కోండ్రు ప్రమోద్, వెలగటూర్ ఫిషర్ మెన్ మండల అధ్యక్షులు గుమ్మల వెంకటేష్, సంఘ సభ్యులు తదితర నాయకులు పాల్గొన్నారు.
