నవదుర్గ సేవ సమితి ఆధ్వర్యంలో మహా అన్నప్రసాదం…
పోసానిపేట గ్రామంలో నవదుర్గ సేవ సమితి ఆధ్వర్యంలో దుర్గామాత 9వ వార్షికోత్సవాన్ని ఘనంగా నిర్వహించడం జరిగింది. ఈ సందర్భంగా గ్రామంలో మహా అన్నప్రసాదం ఏర్పాటు చేయడం జరిగింది, ఇందులో గ్రామస్థులు పెద్ద సంఖ్యలో పాల్గొన్నారు. ఈ కార్యక్రమానికి ప్రధాన అతిథులుగా నవదుర్గ సేవ సమితి సభ్యులు, వివిధ సంఘాల నాయకులు, గ్రామ పెద్దలు హాజరయ్యారు. ముఖ్యంగా గాండ్ల రవి, జక్కుల ప్రసాద్, బండి పోచయ్య, గాండ్ల ప్రవీణ్, సుతారి వెంకటేష్, పోతుల భాస్కర్ రెడ్డి, గీరెడ్డి లింగారెడ్డి తదితరులు పాల్గొన్నారు.గ్రామానికి ఎంతో సేవ చేసిన మాజీ సర్పంచ్ గీరెడ్డి మహేందర్ రెడ్డి ఈ కార్యక్రమానికి ముఖ్య అతిథిగా హాజరై దుర్గామాత పూజల్లో పాల్గొన్నారు. ఈ సందర్భంగా విగ్రహ దాత సుద్దాల లింగం ప్రతిష్టించిన దుర్గామాత విగ్రహం పట్ల భక్తులు తమ భక్తి భావాలను ప్రదర్శించారు. నవదుర్గ సేవ సమితి సభ్యుల కృషితో మరియు గ్రామ ప్రజల సహకారంతో ఈ ఉత్సవం నిరవధికంగా నిర్వహించబడింది. మహిళలు, గ్రామ యువత, పెద్దలు అందరూ కలిసి ఈ ఉత్సవాన్ని విజయవంతం చేయడం జరిగింది. అన్నప్రసాదం కార్యక్రమంలో భాగంగా గ్రామ ప్రజలందరికీ పసందైన భోజనాలు అందజేయడం జరిగింది.ఈ కార్యక్రమంలో గ్రామ ప్రజల భాగస్వామ్యం, వారి ఉత్సాహం భక్తి భావం ప్రత్యేక ఆకర్షణగా నిలిచాయి. నవదుర్గ సేవ సమితి సభ్యులు ప్రతి సంవత్సరం ఇదే విధంగా దుర్గామాత వార్షికోత్సవాన్ని ఘనంగా నిర్వహిస్తూ, గ్రామంలో సాంస్కృతిక కార్యక్రమాలకు నాంది పలుకుతున్నారు.
