ప్రాథమిక ఆరోగ్య కేంద్రాన్ని తనిఖీ చేసిన ఎమ్మెల్యే పాయం    

ప్రశ్న ఆయుధం న్యూస్ భద్రాద్రి కొత్తగూడెం జిల్లా ఆర్ సి నవంబర్
అశ్వాపురం ప్రాథమిక ఆరోగ్య కేంద్రాన్ని ఆకస్మిక తనిఖీలు చేసిన పినపాక ఎమ్మెల్యే పాయం వెంకటేశ్వర్లు. అశ్వాపురం మండల పర్యటనలో భాగంగా అశ్వాపురం ప్రాథమిక ఆరోగ్య కేంద్రాన్ని ఆకస్మిక తనిఖీలు చేసిన పినపాక ఎమ్మెల్యే పాయం అనంతరం ఆరోగ్య కేంద్రంలో రికార్డ్స్ పరిశీలించి వార్డులలో ఉన్న పేషంట్లతో మాట్లాడి వారి ఆరోగ్య పరిస్థితిని అడిగి తెలుసుకున్నారు అనంతరం డాక్టర్ తో మాట్లాడుతూ హాస్పిటల్ కి సంబంధించిన అన్ని వసతులు సక్రమంగా ఉన్నాయా లేదా అని అత్యవసర చికిత్సకి సంబంధించిన అన్ని పరికరాలు అందుబాటులో ఉన్నాయా లేవా అని ఆరా తీశారు. పాముకాటు తేలుకాటుకి సంబంధించి మెడిసిన్స్ అందుబాటులో ఉన్నాయా లేవా అని అడిగి తెలుసుకున్నారు. ప్రాథమిక ఆరోగ్య కేంద్రానికి సంబంధించి ఏ సమస్య ఉన్న తన దృష్టికి తేవాలని తక్షణమే ఆ సమస్యను పరిష్కరించడానికి కృషి చేస్తానని తెలియజేసారు.
ఈ కార్యక్రమానికి అశ్వాపురం కాంగ్రెస్ పార్టీ మండల అధ్యక్షులు ఓరుగంటి బిక్షమయ్య , మాజీ ఎంపీపీ ముత్తినేని సుజాత, కాంగ్రెస్ పార్టీ నాయకులు, మహిళ నాయకులు కార్యకర్తలు తదితరులు పాల్గొన్నారు.