“కుత్బుల్లాపూర్‌లో రిచ్ హోటల్, బ్యాంకూట్ హాల్ ప్రారంభించిన ఎంపీ ఈటల రాజేందర్”
–జాతీయ స్థాయి వసతులతో నిర్మించారని నిర్వాహకులకు ప్రశంసలు
మేడ్చల్ మల్కాజ్గిరి, కుత్బుల్లాపూర్ 25 ఆగస్టు (ప్రశ్న ఆయుధం):కుత్బుల్లాపూర్‌లో అత్యాధునిక సౌకర్యాలతో రూపుదిద్దుకున్న రిచ్ హోటల్ అండ్ బ్యాంకూట్ హాల్‌ను ఘనంగా ఆవిష్కరించారు. మేడ్చల్–మల్కాజ్గిరి పార్లమెంట్ నియోజకవర్గం ఎంపీ ఈటెల రాజేందర్ రిబ్బన్ కట్ చేసి, జ్యోతి ప్రజ్వలన నిర్వహిస్తూ హోటల్‌ను ప్రారంభించారు.
ఈ సందర్భంగా ఈటెల రాజేందర్ మాట్లాడుతూ, రిచ్ హోటల్ ఆధునికత, ఆతిథ్యం, వ్యాపార సేవలు సమన్వయంతో రూపొందించబడిందని ప్రశంసించారు. జాతీయ స్థాయి ప్రమాణాలతో నిర్మించిన ఈ హోటల్, వ్యాపార సమావేశాలు, సామాజిక వేడుకలు, ఆతిథ్య అవసరాలను సమగ్రంగా తీర్చగలదని విశ్వాసం వ్యక్తం చేశారు. నిర్వాహకులు డాక్టర్ నవీన్ రెడ్డి మరియు డాక్టర్ భాస్కర్ రెడ్డిల కృషిని ఆయన ప్రత్యేకంగా అభినందించారు.
రిచ్ హోటల్ అండ్ బ్యాంకూట్ హాల్‌లో అందించిన సౌకర్యాలు, చక్కని ఆంబియన్స్, అద్భుతమైన అతిథి సత్కారం ద్వారా ఈ హోటల్ కుత్బుల్లాపూర్‌లో ఆతిథ్య రంగానికి కొత్త దిశ చూపుతుందని ఆయన పేర్కొన్నారు.
ఈ కార్యక్రమానికి కుత్బుల్లాపూర్ నియోజకవర్గ హ్యాట్రిక్ ఎమ్మెల్యే కె.పీ. వివేకానంద్, ఎమ్మెల్యే మర్రి రాజశేఖర్ రెడ్డి తదితర ప్రజాప్రతినిధులు, పరిశ్రమల ప్రముఖులు, స్థానిక వ్యాపారవేత్తలు, అతిథులు ఘనంగా హాజరయ్యారు.
ఆవిష్కరణ సందర్భంగా హోటల్ ప్రాంగణం సందడి వాతావరణంలో అలరారగా, హాజరైన అతిథులకు ప్రత్యేక ఆతిథ్యం అందించారు. స్థానిక వ్యాపార రంగంలో, పర్యాటక రంగంలో రిచ్ హోటల్ ఒక కొత్త గుర్తింపుగా నిలుస్తుందన్న ఆశలు వ్యక్తమవుతున్నాయి.