ఉపాధ్యాయ దినోత్సవం సందర్భంగా డీఈఓను సన్మానించిన నారాయణ స్కూల్
నిజామాబాద్, సెప్టెంబర్ 5 (ప్రశ్న ఆయుధం):
ఉపాధ్యాయ దినోత్సవం సందర్భంగా శుక్రవారం నిజామాబాద్ డీఈఓ పార్శి అశోక్ గుప్తాను ఘనంగా సన్మానించారు. ఈ కార్యక్రమాన్ని నిజామాబాద్ నారాయణ స్కూల్ ఏజీఎం శివాజీ పటేల్, ప్రిన్సిపల్ చందన, జోనల్ కోఆర్డినేటర్ రాకేష్, ఏవో రామకృష్ణ, అశోక్ తదితరులు నిర్వహించారు.
ఈ సందర్భంగా డీఈఓ మాట్లాడుతూ, “విద్యార్థుల భవిష్యత్తు తీర్చిదిద్దడంలో ఉపాధ్యాయుల పాత్ర అమూల్యం. సర్వేపల్లి రాధాకృష్ణ జన్మదినాన్ని ఉపాధ్యాయ దినోత్సవంగా జరుపుకోవడం గర్వకారణం. ఆయన విద్యారంగానికి చేసిన సేవలు ఎంతోమందికి ఆదర్శం” అని అన్నారు.
కార్యక్రమంలో నారాయణ పాఠశాల సిబ్బంది, ఉపాధ్యాయులు పాల్గొన్నారు.
