గుమ్మడిదల మున్సిపాలిటీలో అమరవీరుడు భగత్ సింగ్ 95వ వర్ధంతిని పురస్కరించుకుని ఆయన విగ్రహానికి పూలమాలలు సమర్పించి ఘనంగా నివాళులు అర్పించారు. ఈ కార్యక్రమంలో పలువురు బీఆర్ఎస్ నాయకులు, స్థానిక ప్రజాప్రతినిధులు పాల్గొన్నారు.
బీఆర్ఎస్ రాష్ట్ర నాయకులు, సిజిఆర్ ట్రస్ట్ చైర్మన్ చిమ్ముల గోవర్ధన్ రెడ్డి, మున్సిపల్ చైర్మన్ కుమార్ గౌడ్, వైస్ చైర్మన్ సంధ్య ఈ కార్యక్రమానికి హాజరై భగత్ సింగ్ విగ్రహానికి నివాళులు అర్పించారు.
ఈ సందర్భంగా గోవర్ధన్ రెడ్డి మాట్లాడుతూ, భగత్ సింగ్ దేశభక్తి, త్యాగస్ఫూర్తి యువతకు ఎల్లప్పుడూ స్ఫూర్తిదాయకమని అన్నారు. స్వాతంత్ర్య సమరంలో ఆయన చేసిన సేవలు, అర్పించిన ప్రాణాలు దేశ చరిత్రలో చిరస్థాయిగా నిలిచిపోతాయని తెలిపారు.
దేశం కోసం ప్రాణత్యాగం చేసిన మహనీయుల ఆశయాలకు అనుగుణంగా, సమాజ సేవలో అందరూ ముందుకు సాగాలని ఆయన పిలుపునిచ్చారు.
ఈ వేడుకల్లో కౌన్సిలర్లు, స్థానిక నాయకులు, యువజన సంఘాల ప్రతినిధులు పెద్ద సంఖ్యలో పాల్గొని భగత్ సింగ్ కు ఘనంగా నివాళులు అర్పించారు.
