హైదరాబాద్లోని పోచారంలో ప్రేమించిన యువతికి HIV పాజిటివ్ రక్తాన్ని ఎక్కించిన కేసులో నిందితుడు మనోహర్ పోలీసుల విచారణలో కీలక విషయాలు వెల్లడించాడు. తన ప్రేమించిన యువతికి AIDS వస్తే, తనకే ఇచ్చి పెళ్లి చేస్తారనే ఉద్దేశ్యంతో ఆమెకు HIV రక్తాన్ని ఎక్కించినట్లు మనోహర్ తెలిపాడు.
పోలీసులు తెలిపిన వివరాల ప్రకారం, మనోహర్ తల్లిదండ్రులిద్దరూ HIV పాజిటివ్తో బాధపడుతున్నారు. వీరిలో తండ్రి కొన్నేళ్ల క్రితం మరణించారు. ఈ నేపథ్యంలో, యువతి తండ్రి మనోహర్కు కూడా HIV పరీక్షలు చేయించారు. ఆ పరీక్షల్లో మనోహర్కు HIV ఉన్నట్లు నిర్ధారణ కావడంతో, యువతితో వివాహాన్ని రద్దు చేసుకున్నట్లు సమాచారం.
ఈ సంఘటన పోచారంలో కలకలం సృష్టించింది. ప్రేమ పేరుతో జరిగిన ఈ దారుణమైన చర్యపై స్థానికులు తీవ్ర దిగ్భ్రాంతి వ్యక్తం చేశారు.
పోలీసులు నిందితుడు మనోహర్ను అదుపులోకి తీసుకుని, అతనిపై కేసు నమోదు చేసి దర్యాప్తు చేస్తున్నారు. ఈ కేసులో మరిన్ని వివరాలు వెల్లడి కావాల్సి ఉంది.
