కడపలో కలకలం: హత్య కేసు నిందితుడు పోలీసులపై దాడి, కాల్పుల్లో కాలుకు గాయం

పోలీసుల వివరాల ప్రకారం, కీర్తనను ప్రేమ వ్యవహారంలో భాగంగా నిందితుడు వెంకటేష్ హత్య చేశాడు. నిందితుడు పోలీసుల నుండి తప్పించుకునే ప్రయత్నంలో వారిపై కత్తితో ఎదురుదాడికి దిగాడు. పోలీసులు హెచ్చరించినప్పటికీ సహకరించకపోవడంతో, ఆత్మరక్షణార్థం కాల్పులు జరిపినట్లు తెలిపారు. ఈ కాల్పుల్లో నిందితుడి కాలికి గాయమైంది.

గాయపడిన పోలీసులను కడప జిల్లా ఎస్పీ నచికిత్ విశ్వనాథ్, మైదుకూరు డీఎస్పీ రాజేంద్ర ప్రసాద్ ఆసుపత్రిలో పరామర్శించి, మెరుగైన వైద్యం అందించాలని వైద్యులను ఆదేశించారు. మహిళలపై నేరాలు, పోలీసులపై దాడులను ఎస్పీ తీవ్రంగా ఖండించారు.

మృతురాలి కుటుంబానికి అండగా ఉంటామని, నిందితుడికి కఠిన శిక్ష పడేలా చర్యలు తీసుకుంటామని ఎస్పీ హామీ ఇచ్చారు. నేరస్థులను కఠినంగా శిక్షిస్తామని ఆయన స్పష్టం చేశారు.