తెలంగాణ ముదిరాజ్ ప్రభుత్వ ఉద్యోగుల సంఘం రాష్ట్ర ఉపాధ్యక్షులు డాక్టర్ భట్టు విఠల్ ముదిరాజ్, కామారెడ్డి మున్సిపాలిటీని రాష్ట్ర అభివృద్ధికి ఆదర్శంగా తీర్చిదిద్దాలని పిలుపునిచ్చారు. శనివారం మున్సిపల్ చైర్పర్సన్ ఇప్ప ఉమారాణి శ్రీనివాస్ను సంఘం నాయకులు సన్మానించారు.
మున్సిపాలిటీ పరిధిలోని కాలనీలు, స్లమ్ ప్రాంతాలపై ప్రత్యేక దృష్టి సారించి, సమగ్ర అభివృద్ధి కార్యక్రమాలను వేగవంతం చేయాలని డాక్టర్ భట్టు విఠల్ ముదిరాజ్ సూచించారు. ఉద్యోగులు, ప్రజలు ఎదుర్కొంటున్న సమస్యలను గుర్తించి, తక్షణమే పరిష్కార చర్యలు చేపట్టాలని ఆయన కోరారు.
2026 నుంచి కామారెడ్డిలో కొత్త ఒరవడిని సృష్టిస్తే ప్రజల మద్దతు మరింతగా లభిస్తుందని ఆయన విశ్లేషించారు. రాష్ట్రంలోనే అత్యుత్తమ మున్సిపాలిటీగా ఎదగాలంటే రోజువారీ కృషి, స్పష్టమైన కార్యాచరణ అవసరమని తెలిపారు.
అధ్యయనం, పరిశోధన, అభివృద్ధి అనే మౌలిక సూత్రాలను నిరంతరం గుర్తుపెట్టుకొని ప్రజలతో మమేకమై పనిచేయాలని సూచించారు. ఈ దిశగా తమ సంఘం మద్దతు ఎల్లవేళలా ఉంటుందని హామీ ఇచ్చారు.
