తల్లిదండ్రులు ఇద్దరూ ఆత్మహత్య చేసుకోవడంతో ఇద్దరు చిన్నారులు అనాథలయ్యారు. ఈ విషాదకర సంఘటన కరీంనగర్ కొత్తపల్లిలో చోటుచేసుకుంది. ఎస్సై చంద్రశేఖర్, దివ్య దంపతులు తమ పదేళ్ల, ఆరేళ్ల కుమారులను అనాథలను చేస్తూ జీవితాన్ని ముగించారు.
పోలీసులు తెలిపిన వివరాల ప్రకారం, తల్లిదండ్రులు ఇద్దరూ కడుపు నొప్పితో బాధపడుతూ ఆత్మహత్య చేసుకున్నారని ప్రాథమికంగా తెలుస్తోంది. వారి మరణంతో వారి పిల్లలు అశ్వత్థామ, అభిమన్యులు దిక్కుతోచని స్థితిలో పడిపోయారు. తమను కంటికి రెప్పలా కాపాడుకున్న తల్లిదండ్రులు ఇలా అకస్మాత్తుగా దూరమవ్వడంతో పిల్లల రోదనలు మిన్నంటాయి.
తమ అవసరాలు తెలుసుకొని అన్నీ కొనిపెట్టి, తుంటరి పని చేస్తే దండించి, తమను గొప్పవాళ్లను చేయాలని ఆశపడిన తల్లిదండ్రులు, ఆత్మహత్య చేసుకొనే ముందు తమ పిల్లల భవిష్యత్తు గురించి ఒక్క క్షణం కూడా ఆలోచించలేదని పిల్లల ఆవేదన వ్యక్తమవుతోంది. పుట్టిన రోజులు ఘనంగా చేసి, సంప్రదాయ దుస్తుల్లో చూసి మురిసిపోయిన తల్లిదండ్రులు, కడుపు నొప్పితోనే మరణించడం, దానితో పాటు పిల్లల భవిష్యత్తును ప్రశ్నార్థకం చేయడం తీవ్ర విచారకరం.
పదేళ్లు, ఆరేళ్ల వయసున్న తమ గురించి ఆలోచించకుండా ఆత్మహత్యకు పాల్పడటం, రేపటి నుంచి అమ్మ, నాన్న అని ఎవరిని పిలవాలో తెలియక పిల్లలు కన్నీరుమున్నీరయ్యారు. ఈ ఘటన స్థానికంగా తీవ్ర విషాదాన్ని నింపింది. పిల్లల సంరక్షణ బాధ్యత ఎవరిదనేది ఇప్పుడు ప్రశ్నార్థకంగా మారింది.
