ఖమ్మం జిల్లా కనకగిరి అడవుల్లో చిరుత సంచారం: సీసీ కెమెరాల్లో దృశ్యాలు

రిజర్వ్ ఫారెస్ట్ లోని కనకగిరి గుట్టల అటవీ ప్రాంతంలో చిరుతపులి సంచారంపై అటవీశాఖ అధికారులు దృష్టి సారించారు. ఇటీవల ఏర్పాటు చేసిన సీసీ కెమెరా ట్రాప్ లలో చిరుతపులి తన పిల్లతో పాటు తిరుగుతున్న దృశ్యాలు స్పష్టంగా రికార్డు అయ్యాయి.

ఈ కెమెరాల్లో జింకలు, ఎలుగుబంట్లు వంటి ఇతర వన్యప్రాణుల కదలికలు కూడా నమోదైనట్లు అధికారులు తెలిపారు. ఈ దృశ్యాలు ఆ ప్రాంతంలోని జీవవైవిధ్యానికి అద్దం పడుతున్నాయి.

చిరుతపులి సంచారం నేపథ్యంలో, అటవీశాఖ సిబ్బంది అప్రమత్తమయ్యారు. కనకగిరి గుట్టల పరిసర ప్రాంతాల్లో నివసించే ప్రజలను అటవీశాఖ అధికారులు అప్రమత్తంగా ఉండాలని హెచ్చరికలు జారీ చేశారు.

అడవిలోకి వెళ్లేవారు, పరిసరాల్లో తిరిగేవారు అదనపు జాగ్రత్తలు తీసుకోవాలని, వన్యప్రాణులకు ఎలాంటి ఇబ్బంది కలిగించవద్దని సూచించారు. చిరుతపులి కదలికలను నిరంతరం పర్యవేక్షిస్తున్నట్లు అధికారులు వెల్లడించారు.