తెలంగాణలో ఇందిరమ్మ గృహ నిర్మాణ పథకం కింద జూన్ నాటికి మరో లక్ష ఇళ్లను పూర్తి చేయాలని లక్ష్యంగా పెట్టుకున్నట్లు రాష్ట్ర మంత్రి పొంగులేటి శ్రీనివాసరెడ్డి తెలిపారు. ఇప్పటికే 1.12 లక్షల ఇళ్లు గృహప్రవేశాలకు సిద్ధంగా ఉన్నాయని ఆయన పేర్కొన్నారు.
రాష్ట్రంలో ఇందిరమ్మ గృహ నిర్మాణ పథకం పురోగతిపై మంత్రి పొంగులేటి శ్రీనివాసరెడ్డి అధికారులతో సమీక్ష నిర్వహించారు. ఏప్రిల్లో రెండో విడత ఇందిరమ్మ ఇళ్ల మంజూరు ప్రక్రియ ప్రారంభమవుతుందని తెలిపారు. రాష్ట్రవ్యాప్తంగా ఇప్పటివరకు 1.12 లక్షల ఇళ్లు గృహప్రవేశాలకు సిద్ధంగా ఉన్నాయని, మిగిలిన పనులు వేగంగా పూర్తి చేయాలని ఆదేశించారు.
జూన్ నాటికి మరో లక్ష ఇళ్ల నిర్మాణాన్ని పూర్తి చేయాలని లక్ష్యంగా పెట్టుకున్నట్లు మంత్రి వెల్లడించారు. ఖాళీగా ఉన్న డబుల్ బెడ్ రూమ్ ఇళ్లను కూడా అర్హులకు కేటాయించేలా చర్యలు తీసుకోవాలని అధికారులను ఆదేశించారు. ఇళ్ల ఎంపిక ప్రక్రియలో గ్రామ కమిటీలు కీలకం కానున్నాయని, సర్పంచ్లు అధ్యక్షులుగా వ్యవహరిస్తారని తెలిపారు.
ఇళ్ల ఎంపిక కోసం ఏర్పాటు చేసే గ్రామ కమిటీలలో ఎమ్మెల్యేల ప్రాతినిధ్యంపై ప్రభుత్వం ఆలోచిస్తుందని మంత్రి పేర్కొన్నారు. లబ్ధిదారుల ఎంపికలో పారదర్శకత పాటించాలని, ఎలాంటి అవినీతికి తావులేకుండా చూడాలని అధికారులకు స్పష్టం చేశారు. పేదలందరికీ సొంత ఇల్లు ఉండాలనే లక్ష్యంతో ప్రభుత్వం పనిచేస్తుందని ఆయన పునరుద్ఘాటించారు.
