వివాహేతర సంబంధం నేపథ్యంలో గొడ్డలి దాడి: ఒకరి పరిస్థితి విషమం

స్థానికుల కథనం ప్రకారం, చీమలపాడు గ్రామానికి చెందిన జమలయ్య అనే వ్యక్తికి, పెదతాండకు చెందిన సీతారాం భార్యకు మధ్య వివాహేతర సంబంధం ఉన్నట్లు సమాచారం. ఈ క్రమంలో ఇరువర్గాల మధ్య వివాదం తలెత్తింది. తీవ్ర ఆగ్రహానికి గురైన సీతారాం, తన వద్ద ఉన్న గొడ్డలితో జమలయ్యపై దాడి చేశాడు.

గొడ్డలితో జరిగిన ఈ దాడిలో జమలయ్య తీవ్రంగా గాయపడి, రక్తపు మడుగులో పడి ఉన్నాడు. వెంటనే స్పందించిన స్థానికులు బాధితుడిని చికిత్స నిమిత్తం విజయవాడ ప్రభుత్వ ఆసుపత్రికి తరలించారు. ప్రస్తుతం అతని పరిస్థితి విషమంగా ఉందని వైద్యులు వెల్లడించారు.

ఘటన జరిగిన వెంటనే నిందితుడు సీతారాం ఏ.కొండూరు పోలీసు స్టేషన్‌కు చేరుకుని, తన నేరాన్ని అంగీకరించి లొంగిపోయినట్లు పోలీసులు తెలిపారు. ఈ మేరకు కేసు నమోదు చేసుకుని, దర్యాప్తు చేస్తున్నట్లు వారు పేర్కొన్నారు.