తనపై అసత్య ప్రచారాలు చేస్తున్న వ్యక్తులపై కఠిన చర్యలు తీసుకోవాలని ఎల్లమ్మగుట్టకు చెందిన రేంగి లక్ష్మి అధికారులను కోరారు. శనివారం నగరంలోని ప్రెస్ క్లబ్లో నిర్వహించిన విలేకరుల సమావేశంలో ఆమె ఈ మేరకు విజ్ఞప్తి చేశారు.
ఇందిరమ్మ గృహం మంజూరు కావడంతో ఇంటి నిర్మాణ పనులు ప్రారంభించే సందర్భంగా సంప్రదాయబద్ధంగా పూజలు మాత్రమే నిర్వహించామని, తాము ఎలాంటి గుప్తనిధుల పూజలు చేయలేదని రేంగి లక్ష్మి స్పష్టం చేశారు. తమకు ఉన్న పట్టా భూమిని కొందరు విక్రయించాలని ఒత్తిడి తెచ్చారని, అందుకు నిరాకరించడంతో తనపై దుష్ప్రచారం చేస్తున్నారని ఆమె ఆరోపించారు.
గుప్తనిధుల కోసం పూజలు నిర్వహించినట్లు కొందరు ఉద్దేశపూర్వకంగా తప్పుడు వార్తలు ప్రచారం చేస్తున్నారని ఆమె ఆవేదన వ్యక్తం చేశారు. ఈ అసత్య ప్రచారాల వల్ల తమ కుటుంబ ప్రతిష్ఠకు భంగం కలుగుతోందని ఆమె పేర్కొన్నారు.
తనపై తప్పుడు ప్రచారాలు చేస్తున్న వారిని గుర్తించి, వారిపై చట్టపరమైన చర్యలు తీసుకోవాలని రేంగి లక్ష్మి విజ్ఞప్తి చేశారు. ఈ ఘటన స్థానికంగా చర్చనీయాంశమైంది.
