డాక్టర్ బీ.ఆర్.అంబేద్కర్ జయంతిని ఘనంగా నిర్వహించిన అధికారులు, ప్రజాప్రతినిధులు

సంగారెడ్డి ప్రతినిధి, ఏప్రిల్ 14 (ప్రశ్న ఆయుధం న్యూస్): భారత రాజ్యాంగ నిర్మాత డాక్టర్ బీ.ఆర్. అంబేద్కర్ జయంతిని పురస్కరించుకుని, సంగారెడ్డి పట్టణంలోని ఓల్డ్ బస్టాండ్ వద్ద ఆయన విగ్రహానికి, చిత్రపటానికి టీజీఐఐసీ చైర్మన్ నిర్మలా జగ్గారెడ్డి పూలమాలలు సమర్పించి, జ్యోతి ప్రజ్వలన చేసి జయంతి కార్యక్రమాన్ని అధికారికంగా ప్రారంభించారు. ఈ కార్యక్రమంలో సంగారెడ్డి జిల్లా ఎస్పీ పరితోష్ పంకజ్ అదనపు కలెక్టర్ చంద్రశేఖర్, జిల్లా గ్రంథాలయ సంస్థ చైర్మన్ అంజయ్య, వివిధ సంఘాలు, సమాజ సేవా సంస్థల ప్రతినిధులు, స్థానిక ప్రజాప్రతినిధులు, నాయకులు తదితరులు పాల్గొని అంబేద్కర్ కు ఘనంగా నివాళులు అర్పించారు.