పోచారం కాల్వలో పడి వృద్దుడి మృతి…
కాలకృత్యాలు తీర్చుకోవడానికి వెళ్లిన వృద్ధుడు ప్రమాద వశాత్తు పోచారం ప్రధాన కాలువలో పడి మృతి చెందిన సంఘటన మండలంలోని తాండూర్ గ్రామంలో గురువారం చోటుచేసుకుంది.ఈ సంఘటనకు సంబంధించి స్థానిక ఎస్సై మల్లారెడ్డి తెలిపిన వివరాల ప్రకారం… తాండూర్ గ్రామానికి చెందిన గుట్టమీది రాజయ్య ( 60 )బుదవారం రాత్రి 8 గంటల ప్రాంతంలో కాలకృత్యాలు తిర్చుకోవడానికి ఇంటి నుంచి సైకిల్ పైన బయటికి వెళ్ళాడు. ఆయన గురువారం ఉదయం వరకు ఇంటికి రాకపోవడంతో కుటుంబ సభ్యులు దిగులు చెంది అతని కోసం గాలించగా తాండూర్ బ్రిడ్జి వద్ద పోచారం కాల్వ లో అతని మృత దేహం లభ్యమైనట్టు తెలిపారు. రాజయ్య కాల కృత్యాలకు వెళ్లిన ప్రమాద వశాత్తు పోచారం కాల్వలో పడి నీట మునిగి మృతి చెందినట్లు ఆయన తెలిపారు. మృతుని భార్య సత్యవ్వ ఫిర్యాదు మేరకు కేసునమోదు చేసి దర్యాప్తు చేస్తున్నట్టు ఎస్సై మల్లారెడ్డి తెలిపారు.
