నిజామాబాద్, జూలై 11
నిజామాబాద్ జిల్లా కాంగ్రెస్ కమిటీ (డీసీసీ) అధ్యక్షుడు బొబ్బిలి రామకృష్ణ, పట్టణ ప్రాంతంలో ప్రత్యేక ఓటరు జాబితా సమగ్ర సవరణ (ఎస్ఐఆర్) ప్రక్రియను విజయవంతం చేయాలని పార్టీ నాయకులకు పిలుపునిచ్చారు. పీసీసీ అధ్యక్షుడి నియోజకవర్గమైన నిజామాబాద్లో ఈ ప్రక్రియను ఆదర్శవంతంగా పూర్తి చేయాల్సిన బాధ్యత అందరిపైనా ఉందని ఆయన అన్నారు.
ప్రత్యేక ఓటరు జాబితా సమగ్ర సవరణ (ఎస్ఐఆర్) ప్రక్రియను పట్టణ ప్రాంతంలో పూర్తి స్థాయిలో విజయవంతం చేయాలని నిజామాబాద్ జిల్లా కాంగ్రెస్ కమిటీ (డీసీసీ) అధ్యక్షుడు బొబ్బిలి రామకృష్ణ పార్టీ నాయకులకు పిలుపునిచ్చారు.
ఈ మేరకు శనివారం ఆయన ఆధ్వర్యంలో కార్పొరేటర్లు, డివిజన్ ఇన్చార్జులు, బీఎల్ఏ సూపర్వైజర్లకు ఎస్ఐఆర్ ప్రక్రియపై దిశానిర్దేశ సమావేశం నిర్వహించారు. ఈ సందర్భంగా ఆయన మాట్లాడుతూ, పీసీసీ అధ్యక్షుడి సొంత నియోజకవర్గమైన నిజామాబాద్లో ఎస్ఐఆర్ ప్రక్రియను ఆదర్శవంతంగా పూర్తి చేయాల్సిన బాధ్యత అందరిపైనా ఉందన్నారు.
ప్రతి డివిజన్కు ప్రత్యేకంగా మెంటర్లను నియమించినట్లు తెలిపారు. పార్టీ నాయకులు ఒకేచోట అందుబాటులో ఉండి ఓటర్లకు దరఖాస్తు ఫారాలు నింపడంలో సహకరించాలని సూచించారు. ఇందుకోసం ప్రత్యేక శిబిరాలు నిర్వహించడంతో పాటు ఇంటింటికీ వెళ్లి ఫారాలు సేకరించి వాటిని నింపేందుకు స్వచ్ఛంద కార్యకర్తలను నియమించాలని ఆదేశించారు. కార్పొరేటర్లు, పోటీ చేసిన అభ్యర్థులు, డివిజన్ ఇన్చార్జులు, బీఎల్ఏ సూపర్వైజర్లు తమ పరిధిలో వాలంటీర్లను ఏర్పాటు చేసి ప్రతి ఓటరికి అవసరమైన సహాయం అందించాలని కోరారు.
ఈ సమావేశంలో నూడా చైర్మన్ కేశ వేణు, ఎస్ఐఆర్ అర్బన్ కోఆర్డినేటర్ ఆకుల లలిత, సీనియర్ నాయకులు రత్నాకర్, జావీద్ అక్ఱమ్, అర్బన్ ఈఆర్వో కోఆర్డినేటర్ అబ్దుల్ వహీద్, డీసీసీ ఉపాధ్యక్షుడు రత్నాకర్ గౌడ్, డీసీసీ కార్పొరేషన్ ఉపాధ్యక్షులు విజయ్పాల్ రెడ్డి, సలీం, కోశాధికారి సకినాల శివ, కార్పొరేటర్లు, డివిజన్ ఇన్చార్జులు, బీఎల్ఏ సూపర్వైజర్లు పాల్గొన్నారు.
