*నాగారం మున్సిపాలిటీ లో మురికి కాలువపై నిరసనల వెల్లువ**
**22 కాలనీల వాసుల ఆందోళన – టీం జేఏసీ ఆధ్వర్యంలో నిరాహార దీక్ష, ధర్నా**
మేడ్చల్ జిల్లా నాగారం ప్రశ్న ఆయుధం జూన్ 22
నాగారం మున్సిపాలిటీ పరిధిలోని 22 కాలనీల గుండా మురికి కాలువ నిర్మాణం చేపట్టాలన్న ప్రతిపాదనపై స్థానికులు తీవ్ర ఆందోళన చెందుతున్నారు. కాలనీల గుండా ఈ నిర్మాణం జరిగితే వర్షాకాలంలో జీవనం అసహనకరంగా మారుతుందని వాసులు ఆవేదన వ్యక్తం చేశారు.
ఈ సమస్యపై స్పందన రాకపోవడంతో, కాలనీల ప్రజలు ఆదివారం టీం జేఏసీ ఆధ్వర్యంలో నిరాహార దీక్ష, ధర్నాకు పూనుకున్నారు. దీక్షకు నాగారం మున్సిపాలిటీ కాంగ్రెస్ పార్టీ అధ్యక్షులు ముప్పు శ్రీనివాస్ రెడ్డి సంఘీభావం తెలియజేశారు.
ఈ కార్యక్రమంలో నాగారం జేఏసీ అధ్యక్షులు జయకుమార్, మున్సిపాలిటీ మాజీ కౌన్సిలర్లు వెంకట రెడ్డి, హరిబాబు, మాజీ వార్డు సభ్యులు సాయినాథ్ గౌడ్, జేఏసీ సెక్రెటరీ కమలాకర్, వైస్ ప్రెసిడెంట్ జితేందర్ రెడ్డి, సభ్యులు వేణుగోపాల్, సతీష్ రెడ్డి, టీడీపీ నాయకులు జంగారెడ్డి, ఉమాశంకర్ గౌడ్, దీపక్ తివారి, ఆశా బిందు తదితరులు పాల్గొన్నారు.
“ఈ మురికి కాలువ వల్ల కాలనీలో మురుగు నీరు చేరే అవకాశం ఉంది. వర్షాకాలంలో పరిస్థితి మరింత విషమంగా మారుతుంది. ప్రస్తుతానికైనా అధికారులు స్పందించి, సమస్యకు శాశ్వత పరిష్కారం చూపాలి,” అంటూ కాలనీవాసులు విజ్ఞప్తి చేస్తున్నారు.వారి డిమాండ్ ప్రకారం, ప్రస్తుత ప్రతిపాదనను పునఃసమీక్షించి, కాలనీలకు ఇబ్బందులు కలిగించని ప్రత్యామ్నాయ మార్గాలను ప్రభుత్వం తక్షణమే పరిశీలించాలని ప్రజలు కోరుతున్నారు.
