విద్యార్థులకు నాణ్యమైన భోజనం అందించాలి

విద్యార్థులకు నాణ్యమైన భోజనం అందించాలి

–మౌలిక వసతుల కల్పన విషయంలో రాజీ అవసరం లేదు

-పాఠశాలకు ఏమైనా అవసరాలు ఉంటే నా దృష్టికి తీసుకు రండి

– కామారెడ్డి శాసన సభ్యులు కాటిపల్లి వెంకట రమణ రెడ్డి

ప్రశ్నాయుధం న్యూస్, అక్టోబర్ 16, కామారెడ్డి :

కామారెడ్డి నియోజకవర్గ పరిధిలోని బిక్నూర్, భస్వాపూర్ ప్రభుత్వ పాఠశాలలను బుధవారం కామారెడ్డి శాసన సభ్యులు కాటిపల్లి వెంకట రమణ రెడ్డి ఆకస్మికంగా తనిఖీ చేశారు.
ఈ సందర్భంగా ఉపాధ్యాయులతో, సిబ్బందితో, విద్యార్థులతో మాట్లాడి వారి సమస్యలు తెలుసుకున్నారు. శాసన సభ్యులు కాటిపల్లి వెంకట రమణ రెడ్డి మాట్లాడుతూ విద్యార్థులకు నాణ్యమైన భోజనం అందించాలనీ, మౌలిక వసతుల కల్పన విషయంలో రాజీ పడాల్సిన అవసరం లేదనీ , పాఠశాలకు ఏమైనా అవసరాలు ఉంటే నా దృష్టికి తీసుకు రావాలని అన్నారు. పాఠశాలలోని రిజిస్టర్లను తనిఖీ చేశారు. విద్యార్థులతో మాట్లాడుతూ మంచిగా చదివి ఉన్నత స్థాయిలో ఉండి తల్లిదండ్రులకు, పుట్టిన ఊరికి, చదివిన పాఠశాలకు మంచి పేరు తీసుకురావాలని అన్నారు.