శ్రీ సాయి గణేష్ మండలి ఆధ్వర్యంలో కుంకుమార్చన
ప్రశ్న ఆయుధం 31 ఆగస్ట్ ( బాన్సువాడ ప్రతినిధి)
బాన్సువాడ పట్టణంలోని సాయి కృప నగర్ ఫేస్ 2 లో శ్రీ సాయి గణేష్ మండలి వారి ఆధ్వర్యంలో ప్రతిష్టించిన గణపతి నవరాత్రి ఉత్సవాలలో భాగంగా గణపతి మండపంలో కుంకుమార్చన కార్యక్రమం నిర్వహించారు.ఈ కార్యక్రమంలో కాలనీ మహిళలు అధిక సంఖ్యలో విచ్చేసి గణపతి సన్నిధిలో కుంకుమార్చన లో పాల్గొన్నారు. గణేష్ మండలి ఆధ్వర్యంలో కుంకుమార్చన కార్యక్రమాన్ని నిర్వహించారు.కుంకుమార్చన అంటే దేవతామూర్తుల నామాలను జపిస్తూ కుంకుమను సమర్పించడం,ముఖ్యంగా స్త్రీలకు అమ్మవారి అనుగ్రహం సిద్ధిస్తాయని నమ్మకం. నవరాత్రులు వంటి ప్రత్యేక పర్వదినాలలో ఈ పూజ చేయడం వల్ల కోటిరెట్లు అధిక ఫలితం లభిస్తుందని,ఇది భక్తి శ్రద్ధతో ఆచరించినవారికి అనుభవపూర్వకంగా తెలుస్తుందని చెబుతారు.అమ్మవారికి కుంకుమను సమర్పించడం ద్వారా ఆమె ప్రసన్నురాలవుతుందని, కోరిన వరాలను ప్రసాదిస్తుందని విశ్వసిస్తారు.హిందూ సంప్రదాయంలో కుంకుమను శుభానికి, సౌభాగ్యానికి చిహ్నంగా భావిస్తారు. కాబట్టి కుంకుమార్చన చేయడం ద్వారా సౌభాగ్యం సిద్ధిస్తుందని నమ్మకం.మామూలు రోజుల కంటే నవరాత్రి పర్వదినాలలో కుంకుమార్చన చేయడం వల్ల అధిక ఫలితాలు లభిస్తాయి.ప్రధానంగా అమ్మవారిని పూజించినా,ఇతర దేవతామూర్తులకు కూడా వారి నామాలను జపిస్తూ కుంకుమార్చన చేయడం భక్తుల నమ్మకం. అనంతరం అన్నదానం నిర్వహించారు. ఈ కార్యక్రమం లో కాలనీ గౌరవ అధ్యక్షులు భాస్కర్ పటేల్,అధ్యక్షుడు నారాయణ రెడ్డి, ప్రధాన కార్యదర్శి బోయిని గోపాల్ కాలనీవాసులు తదితరులు పెద్దలు పాల్గొన్నారు.
