తెలంగాణ

నిజాంపూర్ (కె) పాఠశాలలో ఘనంగా సంక్రాంతి వేడుకలు

by Donthi Mahesh

Published On: January 10, 2025 7:01 pm

సంగారెడ్డి ప్రతినిధి, జనవరి 10 (ప్రశ్న ఆయుధం న్యూస్): తెలంగాణ ప్రభుత్వం శుక్రవారం నుండి పాఠశాలకు సంక్రాంతి సెలవులు ప్రకటించడంతో నిజాంపూర్ (కె) ప్రాథమిక పాఠశాలలో ముందస్తు సంక్రాంతి వేడుకలు నిర్వహించారు. విద్యార్థిని, విద్యార్థులు నూతన వస్త్రాలు ధరించి పాఠశాలకు హాజరయ్యారు. పాఠశాలను మామిడి తోరణాలతో అలంకరించారు. బాలికలు పాఠశాల ఆవరణలో ముగ్గులు వేసి రంగులతో అందంగా తీర్చిదిద్దారు. హరిదాసు వేషధారణలో సంజయ్ అలరించాడు. విద్యార్థులు పాఠశాల ఆవరణలో భోగిమంటలు వేశారు. అనంతరం రంగురంగుల పతంగులు ఎగుర వేశారు. అంతకు ముందు ప్రధానోపాధ్యాయుడు రామకృష్ణ, ఉపాధ్యాయులు నవనీత, సునీత విద్యార్థులకు సంక్రాంతి పండుగ గురించి వివరించారు. సంక్రాంతి పండుగను జరుపుకునే విధానాన్ని తెలియజేశారు. ఈ సందర్భంగా ప్రధానోపాధ్యాయుడు రామకృష్ణ మాట్లాడుతూ.. పండుగలను సంతోషంగా జరుపుకోవాలని విద్యార్థులకు సూచించారు. పతంగులు ఎగుర వేసేటప్పుడు మాంజ దారాలు వాడవద్దని, వాటి వల్ల జంతువులకు పక్షులకు ప్రమాదాలు జరుగుతాయని, కావున సహజసిద్ధమైన దారాలను ఉపయోగించాలని విద్యార్థులకు సూచించారు. ఈ కార్యక్రమంలో ఉపాధ్యాయులు నవనీత, సునీత, విద్యార్థులు పాల్గొన్నారు.

Post Views: 6

Join WhatsApp

Latest Stories

24వ వార్డులోని నూతన బోర్ ను ప్రారంభించిన మున్సిపల్ చైర్మన్ గడ్డం ఇందుప్రియ చంద్రశేఖర్ రెడ్డి

దక్షిణ కాశీ వేములవాడ అభివృద్ధికి ముఖ్యమంత్రి రేవంత్ రెడ్డి ఇప్పటికే పలు కార్యక్రమాలను ప్రారంభించారు .

భోగి మంటల ఎఫెక్ట్… 33 విమానాలు ఆలస్యం

Leave a Comment Cancel reply

You must be logged in to post a comment.